LL. Yayayku, hanaq pachakunapi kaq . . .

S/. (Chay unuwan imatapas bendisiy)

S/. Diuspa bendisionninta chaskikuychis, Dius Yayaq ,Dius Chureq, Dius Espiritu Santoq sutinpi. Hinataq kachun Jesus.

Noqanchispa qallunchis sumaqmi Eucaristiata Jesuswan kuska celebrananchispaq. Noqanchis munayta rimarinchis iñiyninchista Bautismupi. Sumaqta Jesuspa sutinpi pampachanakunchis. Allinmi Jesuspa naupaqenpi wawqenkunaqpipas kasarakuspanchis munanakuyninchista mosoq sacerdotekunata ayllukunamanta aqllakunanpaq.

Manaraqmi misk’i rimayninchis cristiano huñunakuyninchiskunapi sut'inchasqaraqchu. Pisi pisillamanta puririsunchis hoq p'unchay sut’inchasqa kanankama. Hoq llaqta wawqenchiskunawan huñu puririshanchis hinallataq wawqenchis sacerdotekunawanpas, hasta Jesucristo Taytanchismi kasqanta, tukuy qallu rimarinankama.

Taytanchis Jesucristo manaraq hanaqpachaman wicharipushaspa, hoq kamachikuyta Apostolninkunaman saqerqan: Riychis tukuy teqsimuyuntinman, llapallanku kachunku Ñoqaq discipuloykuna, bautisamuychistaq Yayaq, Churiq, Espiritu Santoq sutinpi, nispa.

Bautismowanmi qallarinchis cristiano kayta. Bautisakusqanchis p'unchaymantapachan tukupunchis Jesucristoq wauqen, Dios Yayanchispa wawan. Wawaqa hallpa t'uru hina paqarimun, kunanmanta huq sonqoyoqmi. Taytanchis Jesucristotaq sonqonpi tiakun. Sumaqmi Jesuspa wasinqa. Imaynatan ruwasunchis chay wasin ch'uya wiñay kananpaq.

Wawaq taytamaman compadrentin yachachisunchis Jesucristupi iniyta, sumaq kausayta qospa, munakuywan uywaspa wiñachisun.

Bautismowanmi Jesucristoq wauqen tukupunchis, haykupunchistaq cristianokunaq huñunakuyninman. Runañan kanchis Diospa llaqtanpi. Chaytan wawanchisman yachachisunchis. Noqanchista rikuspa yachanqa wawanchis allin cristiano kayta. Yachallanqataq allin runa kayta.

Sichus tuta lluqsishaqta rikuwasunchis, kutiyapusuntaq hoq ovejachata aparikuspa chayqa, yachallanqataqchá suwakuyta. Chay hinaqa runamasinkunata respitayta munakuyta manañachá yachanqachu. Diospa wasin thuniytan yachachishanchis.

Waqchakunata viudakunatapas yanapaqta rikuwasunchis tukuy ima hayk'a ruwayninkupi chayqa, yachallanqataqchá runa kayta. Yachanqa runamasin munakuyta kusikunqa waqanqapas paykunawan kuskachá. Diospa llaqtanpaq llank'ayta yachanqachá, luchanqataq Diospa llaqtanwan kuska mana allinkuna hawa. Yachallanqataq huq ch'ulla Dios Yayaq wawan hina kayta.

Wawa wañunayashaqtin manaraq bautisasqaraqchu, imachata ruasunchis, pipas maypis bautisayta atinmi.

Chay hina kaqtin llapa cristiano runakuna bautisayta atinku. Chayraqchá mana chaypin sacerdote kanchu, ¿pin bautisayata atin?, llapa cristiano runakuna atinku. Qharipas warmipas bautisayta atinmi. Kikin taytama-manpis atinmi.

Catequista kaqtinqa payta phawaylla wahamuy, mana kaqtinqa qan kikiyki bautisay.

Chayta sutin BAUTISMO EMERGENCIA, hinallapis su-tinmi UNUCHAKUY, hinallapis sutinmi AGUA DE SO-CORRO, chaykuna CHEQAQ BAUSTISMO KASHAN.

Bautismunchispi hina, sacerdote hina, ch’uya unuwan hich’aykuy wawachaq umanman, kayta rimaspa:

Ch’uya unuwan bautisay, mana bendesisqa unuwachu. Hoq p’unchau bautiso ruwasqanta parrocoykiman willa-muy. Chaymanta wawa qhaliyaqtin wawaykita apay Pa-rroquiaman. ¿Imapaq?. Padrino icha madrina libro bau-tismupi qelqasqa kananpaq, chaymanta ceremonia bautismo hunt’ananpaq.

S/. Ima sutiwantaq kay wawakunata bautisasunchis.

R/. N.N............ wan

S/. NN. NN......... (bautisakoqkunapa sutinta ninki).

(Iglesia ukhuman haykumunku) (Sichus Santa Misa kashan chayqa, homilia ruaspa, bautisakusun).

Wawqeypanaykuna kunan Diusmanta mañakusunchis kay wawakunapaq, taytamamankunapaqpas, padrinonkunapaqpas, llapa cristiano masinchiskunapaqpas:

S.P/. Yayayku, hanaq pachakunapi kaq...

Dius Yayanchis noqanchis kamaq, kamawarqanchis qharita warmitawan. Mana kamarqan hoq sapallantachu, iskaymi karqanku. Iskay kaspapas ch'ullallaman tukupurqanku munanakuyninkupi. Chay hinatan willawanchis Sagrada Biblia: Génesis 1,26-27 y 2,24-25.

"Nerqantaq Dius Yayanchis: Runata kamasun. Noqanchis kikinta noqanchisman riqchakoqta, qocha challwakunata, altun phawaq pichinqokunata llapan kay pachapi kausaq uywakunatawan, qharita kamarqan. Chayrayku, qhariqa taytantapas mamantapas saqepunqa, hinaspan warminman hoqllachaykakapunqa, hoq aychallataq kapunqaku. Iskayninkutaq q'alalla karqanku, qharipas warmipas, manataq p'enqanakurqankuchu".

Kasarakuyqa munanakuy sacramenton. Pay kikin Diosmi bendicen qhari warmiq huñunakuyninkuta. Dios kikinmi bendicen qhari warmiq munanakuyninkuta. Munanakuyninkumanta wawanku paqarimunqa wiñanqapis. Munanakuyllaykichistaqmi wasiykichispa teqsin. Qhari munakunan respitanantaq warminta. Hinallataq warmipas.

Wawanchiskunata yanapananchis, sumaq kausaytataq runamasinchiskunaman qhawarichinanchis. Llaqtamasinchiskunawantaq allinta kay hallp'a pachata ruwananchis, Ch'ulla ayllulla kanchis wauqenchiskunaq chaupinpi. Qhari warmiqa Diospa llaqtanpa chaupinpi kashan. Qhawarisunchis noqanchispa sonqonchispi wakin misk'i rimaykunata Sagrada Bibliamanta:

R/. Hinataq kachun Jesus.

Bautismowanmi qallarirqanchis cristiano kausayta. Chay punchay, sapankanchismanmi inti k'anchaykuwarqanchis.

Compadrinchiskunan noqanchispa rantinchispi rimarirqanku. Manaraqmi umanchis karqanchu rimarinanchispaq. Compadrinchispa simillanmantaraqmi nirqanchis iñiyñin Taytanchis Jesucristopi; kausasaqmi runa hina saqesaqtaqmi mana allinkunata, nispa.

Ña wiñaqtinchisña, tayta Obispo confirmacionta qowarqanchis. Chaypiqa noqanchis siminchiskunawanña nirqanchis, munakunin Jesucristota wauqeykunatapas, nispa.

Hoq p'unchaytaq kasarakuranchis. Wañuyñan t'aqawasunchis, qhali kaypi onqosqapas, nispa. Wiñaypaq kuskallapunin. Chaymantapacha hoq pisita munanakunchis, hoq pisita maqanakuspa, hoq pisita llank'aspa, wasita ruakuspapas. Wawanchiskunata qhawapayaspa wiñachispa.

Wakin kutitaq, Santa Misapi mañakuranchis Taytallay yanapawayku nispa. Carguyoqkamaraq kaspa. Maychika kutitaq confesakuranchis, maqanakusqanchismanta, suwakusqanchismanta, yanqamanta tunpaykusqanchismanta, Diospa Qhapaq sutinta qasinmanta hoqarisqanchismanta, imaymanamanta machasqanchiskunamantapas.

Wakin kutitaq huñunakuykunapi faenakunapipas. Wauqenchiskunawan kuska maskharanchis kay pachapi justicia kananpaq. Yachay wasita ruaspa. Hallp'amanta rimarispa. Iglesiata wasichaspa. Runamasinchiskunata sayarikuspa yanapaspa.

Kunantaq ichaqa wauqenchiskunaq (pananchiskunaq) kallpan pisiyaykapunña. Taytanchis Jesuspa siminkuna uyarikun: Hamuychis noqaman, llapallaykichis sayk'usqa pisipaqkuna, noqan kusichisqaykichis. Kacharparisunchis sayk'uspa wauqenchista Taytanchischá chaskinqa.

Kunantaq yanapasunchis wauqenchista kausayninmanta Dios Yayanchismanta uspalay nispa. Kunantaq yanapasun huchankunamanta pampachayta mañakuspa. Dios Yayanchisqa uyariwasunchá, Hijo Prodigota hinachá chaskiwasun sonqonpitaq waqaychaykuwasun.

Kaymi qhepa sacramento kacharpari hina. Dios Yayanchiswan tupay wiñaypaq sacramento. Jesusmanta manaña imapas pipas t'aqawasunñachu.

Mañakuspa yanapasuntaq kay wauqenchista onqoqpaq. Ama pitapas saqesunchu mana yanapaspa. Aswan millay auqanchistapas yanapasun ama wiqch'usunchu. Chaymi Dios Yayanchis pampachawasun llapallanchista. Huñuykapuwasuntaq llapanchista. Qowasuntaq munanakuy chanin mosoq kausayta. Chay mosoq kausaytan maskhanchis haqay bautisakusqanchis punchaymantapacha.

Mana sacerdote kaqtinqa waqyay catequistata otaq familiantapas onqoqpata. Dios Yayanchismanta mañakusun llapanchis huñuykukuspa kay onqoqpaq. Imaynan Apostol Santiago willawanchis hina:

Santiago 5, 13-20. "Pipas qankuna ukhupi muchusqachu. Mañakuchun. Pipas kusisqachu. Kusi takiyta takichun yupaychananpaq. Pipas qankuna ukhupi onqosqachu. Iglesia kuraq runakunata waqyachikamuchun, paypaq mañapunankupaq, Taytanchispa sutinpi aceitewan payta hawiykunankupaq ima. Chaymi iniywan mañakuyqa onqosqata qhaliyachinqa, Taytanchistaq payta hatarichinqa; huchallikunmantaqchus karqan chayqa, pampachapusqan kanqa. Huchaykichiskunata willanakuychis, hoqkuna hoqkunapaqpas mañakuychis qhaliyachisqa kanaykichispaq. Chanin runaq tukuy sonqowan mañakusqanqa ancha atiyniyoqmi. Eliaspas noqanchis hina pisi kallpayoq runan karqan, tukuy sonqotaq mañakurqan ama paramunanpaq, hinaqtinmi mana paramurqanchu kimsa wata soqta killanta. Hoqtawantaq mañakurqan, hinan paramurqan, hallp'ataq rurusqanta poqochirqan. Wauqeykuna, pipas qankuna purapi cheqaq-kaymanta pantapun, hoqtaqchus payta kutirichimun chayqa, yachachun pipas huchasapata pantay ñanninmanta kutirichimuqqa, chaypa almantan wañuymanta qespichinqa, askha huchakunatataq panpachachinqa".

Yayallay, kaypi wawayki onqosqa kashan, muchuspa kay pachapi. Llank'arqan, munakurqan, waqarqantaq. Ichaqa wiñaymi sonqonpi maskhaspa aparqasunki wiñaypaq. Yayallay kunachallan ama wiqch'uychu.Manachá askhachu huchankuna mana pampachaykuy atinaykipaq. Taytallay munanki chayqa qhaliyaykachiy. Sichus apakapuyta munanki chayqa, qanwan kuskachá munay wasiykipi tiyakunqa, uyariy sonqonmanta waqyakusqanta. Uyariwayku noqaykuq qaparisqaykuta. Qanllamanmi qoykiku wawaykita.

Mañakusunchis: Ay Taytay, hanaq pacha Jesucristo Taytallay, pusakapuy kay wawaykita, amaña nisiuta ñak'arichunñachu. Hanaq pacha kusi gloria wasiykiman pusakapuy. Hinataq kachun Jesus.

¡Taytallay!, kay ch'aran ayata p'ampamusunchis, ichaqa aqllasqaykikunawan huñuykunaykipaq, kallpachayniykiwantaq kausarichinaykipaq, tukuy sonqoykuwantaq mañakuykiku.

Wañunanmanta kacharinanpaq, Yayanchiswan tupananpaq, huchakunamantapas pampachananpaq, allin micheqninchis riqranpi apananpaq, Taytanchis wauqenchispaq khuyapayakoq kachun, wiñay kusi kausaypi Taytanchis Jesucristuwan kuska wiñaypa wiñayninkama q'ochukunanpaq. Hinataq kachun Jesus.

Diuspa santonkuna wauqenchista hamuychis yanapaychis. Taytanchispa angelninkuna, hamuychis tinkuykuychis, chaskiychis almanta, chaskichiychis hanaqpacha Taytanchisman.

Cristo waqyamuqniyki chaskisunkichá

angelkunapis Abraham kuska waqaychasunki,

chaskichiychis hanaqpacha Taytanchisman.

Taytallay wawaykima qoy wiñay samayta

k'anchaykuytaq payman wiñay k'anchayta

chaskiy almanta, haywaychis hanaqpacha Taytanchisman.

Salmo 41 (Sichus munanki chayqa mañakuy kayta)

Imaynan hoq taruka phawashaq unuta maskhaspa,

chay hinan noqaq almay qanta maskhasunki, Diosnillay.

Kausaq Diosmanta ch'akichikuni

mayninta Diuspa uyan rikuykoq haykusaq.

Waqayniykunaqa noqaq t'antaymi, tuta punchay,

waqen runakuna p'unchaynintin ch'sisiyaq yapa yapa

tapupayawan: maymi Diosniyki, nispa.

Hoq tiempukuna yuyarini, mokisqaña almay noqawan:

muntunpa uman hina purishani Diuspa wasinman,

kusisqa takispa yupaychaspa q'ochukuspa fiestanman.

Imanaqtinmi q'ostuykachanki almallay,

imanaqtinmi q'omuykachanki,

suyakuy Diosninchispi, yapamanta yupaychanki,

"Diosnillay, noqaq qhaliyayniy kanki", nispa.

Maypachachus alma q’ostuykachaqtin

hatun mayuykimanta sagrado orqoykimantapas yuyariyki.

Hoq wayq'umanta hoq wayq'ukama,

ch'aha kunkallaña qaparkachani,

olaykiwan phawayniykiwan q'onparapuwanki.

P'unchaypi Taytallay khuyapayaykuwankichá

tutaqa Diosmi kausayniyta takisaq yupaychasaqtaq.

Diosninchista nisaqchá:

Noqaq qaqallay, imanaqtinmi qonqapuwanki,

imanaqtinmi cheqnisqa purikuni, auqaypa sarusqan.

Tulluykunata auqaypa asipayasqan phakinku,

p'unchaynintin ch’isiyaq tapupayawan,

"Maymi Diosniyki" nispa.

Imanaqtinmi q'ostuykachanki, almallay,

imanaqtinmi q'omuykachanki,

suyakuy Diosninchispi, yapamanta yupaychanki,

"Diosnillay noqaq qhaliyayniy kanki", nispa

Bendisiy Taytallay kay sepulturata, wawqeykoq (panaykoq) wasin samaykunanpaq kachun. Kay hallp'a pachamanta yapamanta kutimuspa orqopunaykikama. Kunanmantapacha almanta kusi gloria wasiykiman pusakapuy, chaypin qanwan kuska kusikuspa tiyakunanpaq.

Paña laduykipi waqaychaykuy, Maria Mamanchiswan llapa santukunawanpas qanta yupaychanankupaq wiñaypaq wiñayninkama. H.K.J.

Taytanchis Jesucristo huchanchiskunata panpachawanchis. Kayta yachaspa kusisqa kanchis. Sonqonchistaq nisqa samaykun. Cristo Jesusta chinkapoq wawa hina maskhanchis, marqayninpi chaskiwanchis. Qhasqonpitaq waqanchis. Kusisqa yapamanta paywan kanchis. Sonqonchisqa mosoq t'ika hina llanllarin, wayna hina puririnchis. lma munaymi Jesucristoq panpachaynin tarikuy.

Yayaykuta mañakusunchis uspalay ninanchispaq. Mañakuspataq kay simikunata tarinchis. Huchaykutari panpachapuwayku imaynan noqaykupas noqaykuman huchallikoqkunata pampachayku hina. Kay hinata pay kikin Jesucristo yachachiwanchis. Naupaqtaraq noqa panpachayta maskhamunaypaqqa runamasiykunata panpachanay. Manan phiñallachu wiñay kani. Wauqeykunata panpachasaq noqapas panpachasqachá kasaq.

Wasiyman kutipusaq Jesucristoq panpachasqanchá. Jesuspa siminta sonqoypi ninriypipas aparikusaq: Manachu pipas huchachasunki, sayariy panallay, manan noqapas huchachaykichu, ripuy amataq hoqtawan huchallikuychu. Santo Evangeliopi hoq huchasapa warmita misk'i siminwan Taytanchis nerqan. Sayariyyá wayqellay, sayariyyá panallay, nispa niwanchis. Nisiuta kusikunanchis. Ichaqa, ripuy amataq hoqtawan huchallikuychu, nispa niwanchispas.

Ama hoqtawan maqanakusunñachu. Waqchamanta q'otuspa mana qolqenta tarisunñachu. Llank'aqkunaman tienpunpi chanintataq qolqeta qopusun. Sut'ita juramentupi ninanchis. Taytamamanchista yanapananchis. Warmiqhari munanakuspa kausananchis. Autoridadkuna ñit'isqakunata yanapaychis. Taytamamakuna yachaywasiman wawaykichista kachaychis. Qoncho qhelli unupi qosparqanchis, kunanqa ichaqa hatarispa puriripusunchis. Taytanchis Jesucristo suyashawanchis panpachawananchispaq. Wauqenchiskunapas suyashallawanchistaq panpachawananchispaq.

Taytanchis Jesucristo wayqenchiskunawan noqaq sonqoyta maskhanku. Mana phiñakuywan nitaq millakuywanchu kausasunchis, llapanchis chaninta munanakuywanpas tiananchispaq.

Ch’ulla kamachikuyllatan Taytanchis Jesucristo saqewanchis:

Bautismuwan Diuspa wawanman tukupunchis. Kuskan kanchis Diuspa ñaupaqenpi. Kay pachaqa Diuspa llaqtanmi. Diuspa llaqtanpiqa mana maqanakuy, cheqninakuy, suanakuy, qechunakuy kananchu:

Sichus noqa nini k'anchaypin kani, nispa, wauqeytataq cheqnikuni chayqa tutayaqpin tiakushani. Ichaqa wauqeytataq cheqaqta munakuni chayqa, ni imapas huchakunaman urmachiwanchu. Maypachachus wauqeyta cheqnikuni chayqa, tutayaqpin purini kausaynipas, maymanchá tutallaqpi purishanipas, tutaqa ñausayachiwanmi chayrayku (1 Juan 2,9-11).

Maychika kutin Diuspa llaqtanta thunipunchis. Imakunawan. Kay hinakunata ruaspa:

Ama Cain hinachu ruaychis, paymi supaypawawan karqa, chaymi wauqen Abelta wañuchirqan. lmanaqtintaq payta wañuchirqan. Tukuy imaymanan qechunanrayku.

Confesakuspanchisqa, Diusmanta panpachayta mañakunchis, runamasinchiskunamantapas mana allin ruwasqanchiskunamanta. San Lucaspa evangeliunpi willawanchis, imaynan Zaqueo atiyniyoq runa Taytanchis Jesucristuwan tupaspa, q'otuspa suakusqankunata wauqenkunaman kutichipurqan. Kunanqa noqanchis chay Zaqueo hina huchanchiskunamantaqa kutirikapusunchis. Examen de conciencia nisqa sonqonchispi Diuspa ñaupaqenpi ruasunchis:

7. Patronkuna, empleadaykichiswanchu puñukunkichis.

P/. Ave Maria Purísima. S/. Sin pecado concebida.

2- KUTIRIKAPUY: (Acto de contrición, nisqa)

P/. Huchasapan kani. Confesakuyta munani.

S/. Allinmi, huchaykikunata willaway.

S/. Wauqey, icha papay, icha panay, icha mamay, icha churillay, huchaykikunapaq tawa Yayaykuta resakamuy.

S/. Diosninchispa bedisionninwan sumaqllaña ripuy.

Taytanchis Jesucristo, Diospa wawan, Belenpi paqarimurqan. Maria Mamanchispa, llumpaq wiqsanpi runaman tukurqan noqanchis hina. Wawamanta llank'aspa runaman tukurqan. Chaymantataq puriyta yachachiwanchis Dius Yayanchispa ñanninpi purinanchispaq.

Tukuy sonqonwan munakuwanchis. Ichaqa wakinkunan siminta upallachiyta munarqanku. Nitaq hinacha manacha niqchu. Kausayninta llapallanchispaq churarqan, wawakunapaq, machukunapaq, sipaskunapaq, viudakunapaq, amigonkunapaq lliu millay auqankunapaqpas.

Munakuypi wiñarqan hinallataq llapanchis munanakunanchista munarqan. Llapallanchispaqpas chanin kausayta maskharqan. Munakuwarqanchistaq wauqenkunata kananchispaq, mana runa alqo wiqch'usqa hina kay pachapi kausananpaqchu.

Payta wañuchispa nerqanku: Kay runaq rimanan tukukapunña, nispa. Ichaqa Dios Yayanchis kausarichirqan. Wañuyta huchaytapas llallirqan. Chaymi cristianokunaq ñanninchis: wañuyta, huchaytapas llallinanchis.

Santa Misapi chay sumaq fiestata ruaqtinchis, kallpachakushanchis. Taytanchis Jesucristo cheqaq Dios, cheqaq runa; Taytanchis Jesucristo noqanchis ukhupi tiakushan; Taytanchis Jesucristo huchanchiskunata, llakiyninchiskunata, yarqayninchiskunata, injustisiakunata, wauqenchiskunata phiñapayasqanchiskunata, llulla kusqanchiskunata, q'epiyokuspa karqan.

Taytanchis Jesucristo wañupurqan, kausarinpurqantaq. Santa Misapi Taytanchis Jesucristowan mikhuspaqa, huchanchiskunamanta kausaripunchis allin cristiano kananchispaq.

Taytanchis Jesucristo noqanchiswan kausakushan. Mikhukushan, ukyaykushan, papanchista, aqhanchista, munanakuypi, injustisiakuna hawa rimarispa llalliypi; kusikushan llank'asqanchiskunaq rurunta qhawaykuspa, kusikushallantaq wawakunawan machu runakuna thaq kaypi kaqtinkupas.

Kunan wañusunchis Taytanchis Jesucristowan: huqwan huqkunawan panpachanakuspa. Wañusunchis llullakuypaq, q'otunakuypaq, phiñanakuypaq, injusticiapaqpas.

Kunan Taytanchis Jesucristowan kausarillasuntaq; huqwan huqkunawan munanakuspa. Kunan huq hatun wasita ruasunchis t'anta llapallanchispaq kanqa chaypaq. Ruwallasuntaq huq hatun wasita mana waqchakunaq tiyananta wiqch'upunankupaqchu. Huq wasitataq mana huq runa runamasinpa tiyananta suwananpaq.

Taytanchis Jesucristowan ch'ulla ayllulla kasunchis. Chay hina hanaqpachapi kanqa: llapallanchispaq kuskalla. Chay ruwaytan maskhanchis kay pachapi. Llapanchis mikhushanchis chay t'antallamanta, ukyasunchis chay vinollamanta. Chay kikin mikhunalla llapallanchispaq kuska kanan. Jesucristoqa llapallanpaq. Jesucristoq hanaq pachanqa haykumushaspa kay pachaman.

Maypachachus kay Diospa iglesianmanta lloqsisunchis chayqa compromisunchista apasunyá: noqanchispa compromisunchisqa t'antanchis qoykuymi wauqenchiskunaman mana t'antayoqkunaman, vinonchistaq haywarinanchis llapan mana vinoyoqkunaman.

Mañakusun: Noqa huchasapa, llapa atipaq Diospa ñaupaqenpi confesakuni qankuna wayqepanaykunaq ñaupaqeykichispipas; anchatan huchallikurqani, yuyaywan, rimaywan, ruwaywan, mana ima hunt'ayniywanpas: huchaymi, huchaymi, ancha hatun huchaymi. Chayraykun mañakuni wiñay Virgen Santa Mariata, angelkunata, llapa santokunata, qankuna wayqepanaykunatapas, Taytanchis Diosmanta mañapuwanaykichispaq. Hinataq kachun Jesus.

S/. Mañakusunchis ancha khuyakoq Diosninchis huchanchiskunata panpachasqa wiñay kausayta qowananchispaq.

Añanchaykikun, saminchaykikun, yupaychaykikun anchata yupaychaykiku, grasiasta qoykiku hatun kusi gloriayoq kasqaykimanta; qhapaq Yaya Dios, hanaqpachapi kamacheq Dios Yaya llapa atipaq, Yaya Dios sapay churin Jesucristo, qollanan Dios Taytayku; Diospa korderon, Yayaq Churin; qanmi teqsimuyuntin runaq huchan pichaq kanki, khuyapayawayku; Teqsimuyuntin runakunaq huchan pichaq, mañakusqaykuta uyariwayku. Dios Yayaq paña ñeqenpi tiyaq khuyapayawayku, qan sapallayki Santo kanki, qan sapallayki chanin kanki, qan sapallayki ancha qollanan, Jesucristo, Espiritu Santuwan kuska, Dios Yayaq hanaqpacha kusi glorianpi kausanki. Hinataq kachun Jesus.

S/. Mañakusunchis ... P/. Hinataq kachun Jesus

(tukunaypaq). S/. Kaymi Diospa simin.

S/. San Mateoq (Lukaspa ... ) qelqasqan evangelion.

P/. Qanman gloria kachun Taytallay.

(tukunaypaq) S/. Diospa rimaynin.

P/. Dios Taytayku yupaychaykiku.

lñiyninchista: lñini Dius Yaya llapa atipaqman. Hanaq pacha kay pacha ruraqqenman. Jesucristu paypa sapay Churin Apunchismanpas. Kaymi Espiritu Santumanta runa tukorqan. Virgen Santa Mariamanta paqarimorqan. Poncio Pilatoq siminmanta muchorqan. Kruspi chaqatasqa karqan wañorqan. P'anpasqataq karqan. Ukhu pachakunaman uraykurqan. Kimsa ñeqen p'unchaupi wañusqanmanta kausarinporqan. Dius Yaya llapa atipaqpa pañañeqenpi tiashan. Chaymantan kay pacha p'uchukayta kausaq runakunata wañoqkunatawanpas taripaq hamonqa. Espiritu Santuman iñini. Santa Iglesia katolikata. Santokunaq huqllachakuyninta. Huchakunaq panpachakuyninta. Wañuqkunaq kausarinpuyninta. Wiñay kausaytapas iñinitaqmi. Hinataq kachun Jesus.

Dius Taytayku grasiasta qoykiku, churiyki Jesucristurayku. Payrayku tukuy imatapas ruarqanki; paymi kay pachaman hamorqan qespicheqniyku kananpaq; chaypaq kruspi chaqatasqa wañorqan; kunanpas ichaqa pana laduykipi kausaspa tiyaykushan. Chayrayku angelkunawan santukunawanpas kuska niyku kay hinata:

Santuyachiy Dius Taytayku kay qokuyniykuta, hinataq noqaykupaq tukuchun Jesucristoq ukhuman yawarninmanwan.

Kikin Taytanchis Jesucristo Jueves Santo tutallanpi munayllanwan ñak'arinanpaq hap'erqonankuña kashaqtin, t'antata hap'erqan, qan Yayanman grasiasta qospataq phatmirqan, apostolkunamantaq rakiykorqan nispa:

Mikhuyta tukuspataqña grasiasta qorqan, kalista hap'erqan. Haywarqantaq apostolkunanman, nispa:

S/. Kaymi iñiyninchispaq sacramenton.

P/. Wañorqankitaq, kausariporqankitaq hamuy Jesucristu Taytayku.

Kunan yuyarikuspa Dius Yayayku, Churiyki Jesucristu wañupusqanmanta kausarinpusqanmantawan, haywariykiku kay kausacheq t’antata kay qespicheq kalistawan.

Sumaq sonqoykuwantaq grasiasta qoykiku. Tukuy sonqowan mañakuykiku Espiritu Santo huñuykuwanchunku huqllapi, Jesucristo ukhunta yawarnintawan chaskeqkunata.

Bendisiy Taytallay, Santa Iglesiaykita, llapa cristiano runakuna, Santu Papa (...), Obispuyku (...), llapa obispokunawanpas kuska huq sonqolla kanaykupaq.

Yuyariy (N.N. wawaykita) Yuyariytaq llapa cristiano runamasinchiskunata Kristoq iñinpi wañoqkunata; qayllaykiman pusaykuytaq wiñay kusi samipi kausanankupaq.

Khuyapayawayku llapallaykuta. Chay hinataq Diuspa mamanwan, Apostolkunawanpas, llapa Santukunawanpas, qanwan kuska kausasaqku Jesucristo Churiykirayku wiñay kusikausayta taripasaqku.

Cristo Jesuspa qhasqonmantan unu, maqlliriway

Cristo Jesuspa muchuynin, kallpanchaway

Ancha allin Jesusllay, uyariway

K'iriykikunaq ukhunpi, paqariway

Ama munaychu qanmanta t'aqarikuyta

Millay auqamanta amachallaway

Wañuyniy pachapi waqyariway

Kamachiwaytaq qanman hamunaypaq

Santoykikunawan kuska yupaychanaypaq

Wiñaypaq wiñayninkama. Hinataq kachun Jesus.

Mañakusunchis: Qhawaykuway, sumaq Jesusllay, ñaupayk’ipin qonqor chaki churakuni, almayta aswan hatun munakuyninwantaqmi; sonqoypi churay llumpaq iñiyta, suyakuyta, khuyakuyta, huchaykunamanta cheqaq llakikuyta, qaqa sonqo churakuspa mana astawan qanta phiñachinaypaq, chaykamataq noqa qhawasaq hatun khuyakuywan, llakikuywanpas pisqantin k'iriykikunata, David profetaq qanmanta nisqanta yuyarispa; t'urpurqanku chakiykunata, makiykunatawan, tulluykunatapas yupakuyta atikun, nispa. Amen

S/. Taytanchis Jesucristo qankunawan kachun.

P/. Qanwanpas kallachuntaq.

Mañakusunchis: Dius Taytayku, grasiasta qoykiku kay santu sacramentuta chaskikusqaykumanta. Taytayku Jesucristu Churikirayku. Hinataq kachun Jesus.

Paymi tukuy munduta ruwarqan.

Sapa p'unchay waqaychawanchis.

Paypa churin qhespichiwanchis.

Kausananchispaq chaskichisunchis.

Yupaychasqa kachun Diosninchis hanaq pachapi.

Kay pachapipas allin sonqo runakunapaq.

Tukuy atipaq Dios Yayayku yupaychaykiku.

Yupaychaykiku qanpa churiyki Jesucristuta.

Espiritu Santo Taytayku yupaychaykiku.

Credo. DIOSNIY QANPI IÑINIÑA.

YANAPARIWAYTAQ ASTAWAN IÑINAYPAQ

Ofertorio HAP'IY DIOS TAYTAYKU KAY T'ANTATA

HAYWASQAYKUTA IMAYNATACHU TRIGO T'ANTAPI TANTASQA HINALLATAQ HOQ MUNAKUYPI KAUSACHIWAYKU.

Jesucristo Taytayku, Dios Yayaq Corderon,

Jesucristo Taytayku, Dios Yayaq Corderon,

Runakunaq huchankunata panpachaq, allin kausayta qowayku.

DIOSNIY HAMULLAY SONQOYMAN.

Diosniy waqyamusqaykita sonqoypi uyariniñan

llapamanta hamuspayki, sonqoypi waqaychanaypaq

Qanwan kuska purikuspa, manapunin chinkasaqchu

ni wañuyta reqsisaqchu, qanwan tinkukunaykama.

Sonqoypi hap'ikuspataqmi, qanwan kuska purikuspa

urmaqtiy sayachiwanki, onqoqtiy kallpachawanki.

Kusikuspa, llakikuspa,

llapallanchis hamorqanchis

ch'eqerispa ripusunchis, sonqonchis ukhupi,

bendicionninta apaspa.

Diosninchiswan kallpanchasqa,

wasinchispi kausasunchis,

payllatataq qhawasunchis, llak'aypi much'uypi

wañunanchis p'unchaykama.

Qallariy. APU YAYAQ ALTARNINMAN

Diosninchista waqyasunchis

kusikaypi kausanapaq

wichasuntaq santo altarman

chaypin Dios sacrificacun

Llapallanchis chaskisunchis

kay Diosninchispa cuerponta

k’anchay kausayninchisrayku

cruspataman churakushian.

khuyapayawayku waqcha wawaykita.

Apu Jesucristo kamaqni Diosnillay

qhawarillawayku wawaykikunata

Apu Jesucristo panpachaqniy Diosllay

khuyapayawayku waqcha wawaykita,

Gloria. (tono Hamuy Jesusllay)

Gloria kachun Diosman, hanaqpachakunapi runakunamantaq allin kay pachapas

Gloria kachun Diosman, tukuy atipaqman hinallataq kachun, Churin Jesusmanpas,

Gloria kachun Diosman, ancha khuyakuqman hinallataq Espiritu Santomanpas kachun.

Makiykipin cheqaq Diosllay

ofrendayta churaykuni

Mundontinpi mast’arisqa

Jesucristoq Iglesianpaq

Santo Taytayku Papaman

k'anchayniyki chayananpaq

Kunan Obispo Taytayku

Santo kaypi wiñananpaq

Mundontinpi ch'unchurayku

simiykita yachananpaq.

pampachay huchaykunata

mana qan kaqtiykiri

piñataq qhespichiwanqa.

Pantay ñanman thaskiykuqtiy

Taytay hina waqyariway

huchaymanta t'aqariway

qanmantaq pusaykapuway.

Qanpas Mamay, reqsikuway

huchasapa wawaykita

mantoykiwan pakaykuway

auqamanta ayqenaypaq

Angellay, mayta rinki

noqallawan qheparikuy

qanwan kuska tiyaspataq

allin Dioswan tiyanaypaq

achuykamuyki Qollanan Diosniy

Diosnillay phiñakuyniykiwan ama phiñakuwaychu

amataq muchuchiwaychu.

Pisi kallpan kaqtiy khuyapayaykuway

tulluykuna chullmipushaqtiy hampiykuway.

Yayallay almaypas sinchi waqllisqan

qanrí hayk’aqkamachá qonqawanki.

Yayallay qhawarimuway

mosoq kausayta qowanaykipaq

munakuyniykiwantaq qespichiway.

Wañuspaqa piñataq yupaychasunki

qanta mana pipas qhawarisunkiñachu.

Sinchita waqaspa sayk’usqaña kani

puñunaypas sapa tutan

weq’eykunawan ch’aqchusqan.

Llakikuymanta ñawiykunapas pukallañan

machuyakapuni ñit’iqkunawan tiaspa.

Yau, ñit’iqkuna noqamanta ayqeriychis

Diosniy kunkayta waqasqaymantaña uyariwanmi.

Diosniy uyariwanmi waqyakusqayta

chaskiwantaq mañakusqayta.

Yayaymi waqchakunata mana wiñaypaq qonqanchu

manataq sarusqakunaq suyakusqanta

wiñaypaq chinkachinchu.

Qollanan Dius Taytayku, Qanpa sutiyki,

teqsimuyuntinpi yupaychasqa,

Qanpa gloriayki hanaq pachamantapas

aswantaraq mast’arikun.

Awqaykikunarayku wawakunaq yupaychayninkunawan,

ñuñuqkunaq hatunchayninkunawan

ch’ila pukarata perqanki awqakunata

hatariqkunatapas hark’anaykipaq.

Qanpa kamasqayki hanaq pachata, killata,

makiykiwan churasqa qoyllurkunatapas, rikuspay nini:

Iman runaqa. lmarayku payta yuyarinki.

lman runaq churinqa. lmaraykun payta munanki.

Aswanpas Dios hina kamarqanki,

ch’uya-kaywanpas muyuykachispa.

Ruwasqaykikuna patapi kamachiyta qorqanki runaman,

runata churarqanki tukuy kaqkuna pataman, ovejakuna, wakakuna, salqakuna, lamarqochapi wayt’aq challwaku-na, tukuy imaymanakuna pataman.

Qollanan Dius Taytayku, Qanpa sutiyki

teqsimuyuntinpi yupaychasqa.

Salmo 13.- Qhawarimuway Taytay, qhawarimuway

Taytallay hayk’aqkamachá wiqch’upuwanki,

wiñaypaqchu.

Hayk’aqkamachá uyaykita pakakuwanki

Hayk’aqkamachá almay k’ustuykachanqa,

wiñaypaqchu.

Hayk’aqkamachá sonqoy khuyay khuyayllaña kanqa

Hayk’aqkamachá awqaykuna noqata llalliwanqaku

wiñaypaqchu.

Qhawarimuway uyariwaytaq ¡Taytallay!

Ñawiykunata kanchaykuway

mana wañuypi puñunaypaq,

awqaykuna noqamanta mana asiykunankupaqchu,

iskayrayashasqaypi ama kusikuchunkuchu.

Taytallay suyakuni munakuyniykipipuni,

qespichiyniykiwanpas sonqoyta phanchirichiway.

Wiñaypaqmi allin ruwasqanmanta

Taytallayman takisaq.

Dius Taytayku,

Pichá wasiykiman haykuyta atinqa.

Pichá santo orqoykipi tianqa.

Pichus chaninta ruan,

kausantaq justisiaman hina,

hinaIlataq tukuy sonqowan cheqaq rimaqqa,

hinallataqmi mana pipas q’otuqqa,

mana runamasinkunata k’irichiqqa,

mana ayllumasinta wateqaqqa.

Mana allinkunata millakuqqa,

Taytanchispa munakuqnin runata allinta qhawarin.

Manataq qolqe mañasqanmanta

wachaynin mañakoqchu

nitaq imatapis chaskikunchu

chanin runata ñit’ichinanpaq.

Chay hina ruaqqa, mana hayk'aqpas pantanqachu.

Taytanchis Diosmi micheqninchis

mana imapipas pisichiwanchu.

Q’omer q’achukunapi samachiwan,

ch'uya unukunaman apawan.

Almayta kallpanchawan,

cheqaq ñankunata purichiwan,

Sutiykita hatunchaspay.

Aswan tuta ukhupi wayq’otan purisaq chaypas,

ni ima manchakuykunatapas mancharikusaqchu.

Qanmi, Taytallay, noqawan kashanki.

Tawanayki, varaykipas yanapawanmi.

Hatun mikhunata ruwapuwanki,

awqaykunaq chawpinpi.

Umayta q'apaywan hawiwanki,

qeruyta llinp'achinki.

Tukuy wataykunapi khuyapayawanki,,

munakuyniykipas noqaq kausayniypi kashan.

Wasiyqa, Diuspa wasinchá kanqa, Taytallay,

wiñaypa wiñayninpaq.

Qanllamanmi Taytallay ñawiykunata oqharimuni,

qanllapin suyakuni mana ñit'iqkunaq llallichunkuchu.

Pichus qanpi suyakun mana iskayrayanqachu

ichaqa pichus q'otusunki mancharikunqachá.

Yachachiwayyá ñanniykipi puriyta

cheqaqniykipipas munaspa mana munaspa

apakapuway.

P'unchaypis tutapis qanpi suyakuni

qanllan khuyapayakoq kanki.

Yuyariyá munakuwasqaykita.

Maqta kaspa huchaykunata ama yuyariychu

ichaqa waqcha huchasapa wawaykita sonqoykipi

chaskiykapuwayyá.

Chaninmi cheqaqmi Yayanchisqa

chayraykun hoqtawan huchasapakunaman

allin ñanta qhawarichiwanchis.

Nit'isqakunatapas kuskachaypi pusakapushan

waqchakunatapas sumaq q'omer q'achuman

purichinqa.

Taytanchispa ñanninqa cheqaqmi munakuymi

ayninakuynin waqaychaqkunapaqqa.

Hatun sutiykiwan Taytallay

sinchi huchasapan kasqayta pampachaway.

Maypachachus runaqa Taytanchista yupaychan chayqa

paymi allin ñanta pusan.

Kusisqa kausakun sonqonpas

wawankunapas hallp'a pachata chaskikunqaku.

Pakasqa Diuspa kausaynin yupaychaqkunapaqqa

chanin runata qonqa ayninakuqninkunaman.

Noqaq ñawiykunaqa Taytallaytan qhawan

paymi chakiykunata asnaq t'urumanta orqowanqa.

Noqamanta khuyapayaykuway

sapallaymi mana piñiyoq kasqayta.

Heq'epasqa phoqchisqa sonqoyta hamp'iykuway

k'uytuykachasqaymanta hoqariway.

Llakisqaytapas nanayniytapas qhawariy

llapan huchaykunata pichay.

Qanllapi qorpachaspaqa almayta waqaychay

Qespichiwaytaq mana qarqosqa kanaypaq.

Ch'uya munakuyniykipi waqaychaykuway

qanllapin suyakuni Taytallay.

Qespichiy llaqtaykita Taytallay

llapan muchuyninkunamantapas.

Kusisamiyoqmi huchanmanta ch'uyanchasqa

pantasqanmantapas pampachasqataq.

Kusisamiyoqmi mana Diusninchis huchanmanta

Yuyarichinchu,

manataq almanpi q'otunchu.

Maypachachus huchayta mana reqsikuyta munanichu

tulluykunapas qhatatataranmi.

Maypachachus huchayta mana reqsikuyta munanichu

sonqoypas mana unuyoq ch'aki chaqra hina karqan.

Maypachachus huchayta mana reqsikuyta munanichu

makiyki muchuchiy hina umaypaq karqan.

Kunanmi ichaqa huchayta reqsikuni

manataq huchayta pakasqaykichu,

noqa kikiymi willakusaq Diusman llapan huchaykunata,

sonqoypi nirani:

Taytanchisman risaq confesakamusaq, nispa.

Qantaq huchayta pampachawaranki.

Qanqa Pampachakoqmi kanki

llakisqa kaspanku llapan munakoqniykikunata

qanta maskhasunki.

Maypachachus runata pampachaqtiyki

nichá suchupas apayta atenqachu.

Qanmi noqaq waqaychaqniy kanki

wateqaykunamanta waqaychawashanki

noqawan kuskan kashanki qespichiwanaykipaq.

Taytanchis kay hinatan kutichiwan:

qhawarichisqaykin ñanniyta qhatiwanaykipaq

ñawiykunatataqmi qanpi churaykusqayki

noqa kikiymi qanpaq sumaq rimaykoq kasaq.

Niwallarqantaq:

mana frenuyoq caballo hinachu kay

mana freno kaqtiy maymanchá apasunkiman, nispa.

Askhallañan qhelli runaq llakiyninkunaqa .

ichaqa noqapi suyakuwaqtiyki

munakuyniywan p'istuykusqayki, nispa.

Taytanchispi kusikuychisyá

chaninkunataq kusikuchunku

sumaq sonqoyoqkunataq takispa q'ochukuchunku.

Taytallay, munakuwasqaykimanta,

khuyapayaykuway!

Llanp'u sonqo kasqaykiwan,

huchaykunata pampachaykuway!

Mana allin ruwasqaykunamanta ch'uyanchaway,

huchaykunata maqlliriway.

Huchaykunata cheqaqta reqsikuni,

pantasqayta yuyayniypi yuyayukunin.

Qan contrapi huchallikurqani,

ñawiykipaq mana allinkunatan ruarqani.

Chaymi allin kuskachayniykiqa,

chaninmi taripayniykiqa.

Qanmi rikuwanki millaymi kani

paqarimusqaymantapacha,

mamaypa wiqsanmantapachañan

qhellichasqaña karqani.

Qanqa cheqaq sonqota munanki,

paqallapi yachachiwayyá chaninta.

Ch'aqchuykuway unuwan, ch'uyachá kasaq,

maqchiway yuraq rit'i hina kanaypaq.

Yapamanta kusisqa q'ochukuypi kausachiway,

p'akisqaña tulluykuna karqan chaypis,

yapamanta tusuchunku.

Waqllisqayta ama qhawarispa,

huchaykunata qonqay.

Taytallay, noqapi cheqaq sonqota churaykuway,

hinaspa mosoq, ch'uya espirituta qoway.

Ama qanpa kayllaykimanta qarqowaychu,

santo espirituykita ama qechuwaychu.

Qoway qhespichiniykita, q'ochukunaypaq,

hatun sonqoykipi hap'iykuway.

Millay runakunaman qanpa cheqaq ñanniykita willasaq,

qanman kutirikunankupaq.

Taytallay, wañuymanta amachaway,

qalluywantaq justisiata rimarisaq.

Taytallay, simiyta kichariway,

simillaywantaq takispa yupaychasqayki.

Cargo ruasqayta mana munawaqchu,

nitaq despachutaña haywamuykiman chaypas,

chaskiwankimanchu.

lchaqa llakisqa sonqoytan haywamuyki,

manan qanqa llakisqa sonqoyoqta wiqch'unkichu.

Yanapawankin llaqtayta,

perqakunata yapamanta sayarichinki.

Chayraqchá cargo ruasqayta chaskiwanki,

cheqaq allin runa kaqtiyña.

Imarayku qhelli kasqaykimanta

hatunchakunki qhapaqchasqa runa hina,

wiñaypaq mana allinllata yuyaykunki.

Qalluykin llullapuni filo cuchillo hina,

mana allinkunata munakunki,

allinkunatataq cheqnikunki,

cheqaqmanta llullakuy qanpaq aswan munakuy.

Llulla qallu, waq'ayasqa simikunata

aswanta munanki.

Chayrayku Dius Taytanchis ñut'usunki,

wiñay winaypaqmi qarqosunki,

wasiykimanta qarqospasuyki sipisunki.

Kayta rikuspanku,

Dius kasukuqkuna mancharikunqaku,

ichaqa chay runamanta asikunqaku,

"Qhawariy chay mana Dius maskhaqta,

chay qhapaq-kaypi t'eqmuqta,

chay map'achay qatiqta", nispanku.

Noqa ichaqa, q'omer olivo mallki hina kashani

Diuspa wasinpi.

Diuspa munakuyninpi suyakusaqpuni.

Taytallay, ruwawasqaykimanta grasiasta qosqayki,

qanmi chanin kasqaykirayku munakuqniykikunapaq.

Taytallay, yanapawayku, saminchawayku,

k'anchayniykiwan k'anchaykamuwayku,

llapan suyukunan teqsimuyuntinpi

munayllaykita qhespichiyniykitapas yachanankupaq.

Taytallay, lliu ayllukunan yupaychasunkiku,

llapa llaqtakunan hatunchasunkiku.

Suyukuna kusikuypi takichunku,

allin taripay kamachisqaykimanta.

Qanllan kay pacha runakunata allinta taripanki.

Dius Taytayku, ayllukunan yupaychasunkiku,

llapa llaqtakunan hatunchasunkiku.

Allpaqa rurunñan.

Dius Taytanchis saminchawanchis bendisiwanchistaq.

¡Taytallay, saminchawayku!

¡Teqsimuyuntin qanta yupaychachunku!.

Taytanchis hanaq pachapi tiakushan,

hatun atipayninwan angelkunaq chawpinpi

taripananpaq.

Hayk'aqkamachá llaqtakunata q'otunkichis.

Hayk'aqkamachá map'achaqkunawan ruwaykunata

ruwankichis, nispa.

Llamp'u sonqowan samp'akunata

waqchakunatapas kuskachaychis,

muchuypi kaq runakunata saqsaykachiychis.

Pisi kallpayoqkunata waqchakunatapas

qespichiychis atiyniyoqkunamanta,

millay runakunaq makinmanta orqoychis, nispa.

Atiyniyoqkuna tutayaqpin purinkichis,

mana imatapas yachaspa.

Llapan qankuna Dius hinaraq kankichis,

Diuspa wawan kashaspa,

ichaqa runa hinan wañunkichis,

kamachikoqkuna wauqeykichis hina urmaykunkichis,

Taytallay, sayariy, llaqtaykita taripay,

qan sapallaykin kamaq kanki.

Taytallay qanmi noqaykupaq

ñaupaq runakunapaqpas

waqaychakoqmi wiñaymanta wiñaykama

kapuwankiku.

Manaraq orqokunapas

kay pachapas kamasqa kashaqtin

wiñaypa wiñayninkama karqankiñan.

Qanmi runakunata wañoqtin p'ampaqtinku

hallpaman tukuchinki, kay hinata nispa:

Adanpa wawankuna kutipuychis hallp'aman.

Huaranqa huaranqa watakunapas

qanpaqqa hoq p'unchay hinallan,

inti k'anchayqa hoq pisi wayra hina pasarapun.

Qanpaqqa runakunapas mosqokuy hinalla

hoq t'iqa hina tutachallamanta phanchirin.

Tutallamantapi wiñarin t'ikarintaq

ch'isintaq q'elluyaspa urmapun.

Phiñakuyniykiwan nina yarwaq hina tukurapuyku,

phiñakuspa ñit'irapuwankiku qanpa ñaupaqeykipi,

ñoqaykoq huchaykukunata churaykunki,

pakapi ñoqaykoq huchaykunapas

qanpa uyaykipi k'ancharichinki.

Phiñakuyniykiwanmi noqaykoq

kausayninchista tukukapunqa

pureq wayra hina kausanchis.

Qanchis chunka otaq pusaq chunka watapas

kallpanchis kaqtin kausanchis,

sonserakunapipas afankunapipas waqakuna hina

kausayninchista chinqachipunchis,

chay hina kay pachamanta phawaylla pasapunchis.

Pichá phiñakuyniykita kallpaykitapas reqsinman

phiñakuyniykiqa maykamachá chayanqa.

Yachachiwaykuyá p'unchaykunapi kausayta

sonqoykuman yachachiyniykikunata haykunanpaq.

Taytallay kutimuyyá,

hayk'aqkamachá sinchi karupi kanki,

wawaykikunata khuyapayaykuwayku.

Munakuyniykiwan tutallamanta saqsaykachiwayku

tukuy kausayniykupi q'ochukuspa takinaykupaq.

Haq’ay p'unchaykuna

noqaykuta k'umuyqachachiwasqaykikumanta,

chay watakuna khuyay qaqapasqa

purisqaykumantapas kutichimuwaykuyá,

mosoq p'unchaykunata q'ochukunaykupaq.

Wawaykikunaq ñaupaqenpi

qespichiyniyki ikhurimuchun,

k'ancharichuntaq llapa runakunaq ñaupaqenpipas.

Taytanchispa misk'i kausaynin

noqanchiswan kachun,

Taytallay makiykuwan llank'asqaykuta

wiñaypaq bendisiy.

Taytanchista teqsimuyuntin yupaychasun,

kusisqa payllaman haywasun,

anchuykusuntaq payman q'ochukuspa.

Yachanchismi Taytanchisqa Diosmi.

Paymi kamawarqanchis, paypan kanchis,

llaqtantaq ovejantaq kanchis.

Punkuntataq haykusunchis grasiasta qospa,

wasintataq takispa haykusun,

sutintataq yupaychasun.

Taytanchisqa cheqaqtapunin khuyapayakoq.

Wiñaymi munakuwanchis,

wiñaypa wiñayninkama.

Qhawaykachanin orqokunata

yanapayninta maskhaspa.

Yanapayqa Taytanchismantan hamun,

hanaq pacha kay pacha kamaqmanta.

Mana hayk'aqpis urmachiwasunchu

nitaq puñunchu harq'awanchismi lliumanta.

Waqaychanmi llaqtanta

mana qonqarispa.

Taytanchisqa llanthuykusunki,

paña ladoykipi wiñaypaq tiakun.

P'unchaunintin inti mana k'irisunkichu,

hinallataq tuta qasapis mana k'irisunkichu.

Taytanchis waqaychasunki,

lliu mana allinkunamanta

kausayniykipitaq yanapasunki.

Paymi lloqsiqtiyki kutimpuqtiykipas

kunanpas wiñaypas waqaychasunki.

Taytallay, qanllatan qhawarayayki,

teqsimuyuntinpin tiaykunki.

lmaynan hoq wawaqa qhawarayan

Taytanpa mikhusqanta hina.

Imaynan hoq warmi erqechapas

mamanta wayk'usqanta qhawarayan

haywarinanpaq hina.

Chay hinallataqmi qhawarayayki

Taytallay qanta,

noqaykuta khuyapayawanaykikukama.

Khuyapayaway, Taytallay, khuyapayaway,

sinchitan k'amiwasqankurayku Taytallay,

sinchi sayk'usqañan kani.

Mana chanin q'epiykuna q'episqaypi,

qhapaqkunaq apusqachaqkunaq

ñit'isqan sarusqantaq.

Kusisqa Dius manchakoqkuna

paypa yupin katiqkunapis.

Mikhunkitaq qanpa llank'asqaykita

allin kaytaq suertitaq yanapasunki.

Warmiykitaq wasiykipi sinchi munakuq,

wawaykikunataq muyuykusunki.

Chay hinan Dius manchakoq runaqa bendesisqa.

Kausayniykipi Taytanchis yanapasunki,

hatun kusikuywanmi rikunki Diuspa llaqtanta.

Wawaykiq wawankunatapas rikunki,

thaq-kay kachun Diuspa llaqtanpi.

Chay ukhumantapachan waqyakuyki, Taytallay,

uyariway qaparisqayta.

Ninriykiwan uyariway

kunkaywan waqyakusqayta.

Taytallay, mana pampachawanki chayqa,

pichá qhespichiwanqa.

Qanlla pampachakuq kanki,

chayrayku yupaychaykiku.

Taytallaypin suyakuni,

simiykita sonqoypi waqaychani.

Almaypitaq taytallayta waqaychani

inqaychuta hina wata watapi.

lmaynan hoq arariwa harq'an sara chakrata hina,

chay hinan Diuspa llaqtan paypi suyakunanchis,

khuyapayakoqmi Taytanchis.

Taytanchismi llaqtanta pampachanqa,

qespichinqataq llapan mana allinkunamanta.

Taytallay imayna noqaq kasqayta reqsiwanki.

Puñusqayta sayasqaytapas

yuyaymanasqaykunata

maypiña kaqtiypas reqsiwankin.

Maypipas kaqtiy qhawawanki

tukuy purisqaykunata yachankin.

Manaraq qalluywan rimashaqtiy

yachankiñan ima rimanayta.

Muyureqniypin kashanki

makiykiwanmi maymanpas apawanki.

Yachayniykiqa musphaymi noqapaq

sinchi hatunmi manan tarinkimanchu.

Chaypiña maypiña kaqtiypas

qanqa chaypi kashanki,

¡maymanchá qanmanta pakakuyman!

Hanaqpachakama wichaqtiypas

chaypin kashanki,

ukhupachaman uraykuqtiypas

chaypin tupallanchistaqmi.

Sichus tutallamanta k'anchaywan phawamuni chayqa,

ichas mamaqochaq kantukama purini chaypis,

chaypipas makiykiwan pusawanki

paña makiykiwan rampariwanki.

Sonqoy ukhupiña yuyaymanani:

tutallaña pakaykuwachun, nispa,

laqha tutapas manan qanpaqqa tutachu,

p'unchay hinan k'anchashan.

Qanmi churiyawanki

mamaypa wiqsanpi pisi pisimanta awawanki

grasiastan qoyki hatun ruwawasqaykimanta

noqapas hatun ruwawasqaykin kani.

Maypachachus pakallapiraq churiyarqani

hallpamantapas orqospa awarqani,

ña sonqoyta reqsirqankiña

tulluykunapas mana pakakurqanchu, nispa niwarqanmi.

Mamaypa wiqsanpi kausakusqay

ñawiykipiñan karqan,

libruykipi qelqasqañan karqan p'unchayniykikuna,

manaraq paqarimushaqtiy kausayniyta

imayna kanay unanchasqañan karqan.

Sinchi sasan yuyayniykikuna,

reqsiyqa pichá yupayta atikunman.

Qanpa yuyaymanayniykikunaqa

aqo hina mana yupayta atiynan,

ichaqa mana yupayta atiqtiypas

qanwanmi wiñaypaq kashani.

Taytallay sonqoyta reqsikuway,

sasakunapi churaykuwanki,

llank'asqaykunata reqsinkin,

sinchi nanay puriykunata ama qowankichu,

pusaway ñanniykipi

wiñay kausayman chayanaypaq.

iQ'ochukuywan!

Taytanchiswan sonqoywanmi takini

Tukuy kausayniypin Taytanchista yupaychasaq,

kausanaykama misk'ita takisaq.

Ama atiyniyoqkunapi suyakunkichu,

manataq runakunapipas,

lluimi hallpa ukhupi pampasqa kanqaku

chay p'unchaumantapacha

mana ima ruayta atinqakuñachu.

Kusisamiyoqmi kanku Diuspa yanapasqankuna

paypi suyakuqkuna.

Taytanchis kamawasqanchisrayku,

mana hayk'aqpis qonqawanchischu,

ñit'isqakunata yanapanqan,

yarqasqakunata saqsaykachinqa,

kacharerqan watay wasipi qasinmanta tiaqkunata.

Taytanchis ñausakunaq ñawinta kicharinqa,

q'omusqakunata sayarichinqa,

purikuqkunata p'istuykunqa,

waqchakunata viudakunatapas yanapanqa.

Taytanchis allin runakunata sinchitan munakun,

mana allinkunatataq musphachin.

Taytanchispa qhapaq suyunqa wiñaymi,

wiñaypa wiñayninpaqmi.

¡Qochukuywan!

Yupaychasun Taytanchista Diuspa wasinpi,

Yupaychasun tususpa kajakunawan

Yupaychasun mandolinawan pitokunawanpas.

Yupaychasun sampoñawan,

Yupaychasun violinkunawan,

Yupaychasun Taytanchista llapan kausaqkuna.

iQ'ochukuywan!

Diospa kamachikusqan simi chunkan:

Diospa kay chunka kamachikusqan simi iskaymanmi tukun: Diosman sonqo kanki, tukuy ima hayk'ata yallispa, runamasiykitari qan kikiykita hina munanki.

Dios Yayaq, Dios Chureq, Dios Espiritu Santoq sutinpi. Hinataq kachun.

Yayayku, hanaq pachakunapi kaq, sutiyki much'asqa kachun, qhapaq kayniyki noqaykuman hamuchun, munayniyki rurasqa kachun, imaynan hanaqpachapi, hinallataq kay pachapipas.

P'unchayninkuna t'antaykuta kunan qowayku, huchaykutari pampachapuwayku, imaynan noqaykupas noqaykuman huchallikoqkunata panpachayku hina. Amataq kachariwaykuchu, wateqayman urmanaykupaq. Yallinraq mana allinmanta qespichiwayku. Hinataq kachun Jesus.

Much'aykusqayki Maria, Diospa gracianwan hunt'asqan kanki. Apunchis Diosmi qanwan, warmikunamanta qollananmi kanki, wiqsaykimanta paqarimoq Jesus wawaykiri qollanantaqmi.

Ah, Santa Maria Diospa Maman, noqayku huchasapakunapaq much'apuwayku, kunan wañuyniyku pachapipas. Hinataq kachun Jesus.

Gloria Yayapaq, Churipaq Espiritu Santupaqpas kachun.

Imaynan ñaupaq karqan, kunanpas, wiñaypas mana puchukayniyoq pachakamapas. Hinataq kachun Jesus.

lñinin Dios Yaya llapa atipaqman, hanaqpacha kaypacha ruraqqenman. Jesucristo Paypa Churin Apunchismanpas; kaymi Espiritu Santomanta runa tukurqan; Virgen Santa Mariamanta paqarimorqan; Poncio Pilatoq siminmanta muchurqan; cruspi chaqatasqa wañurqan; p'anpasqataq karqan; ukhu-pachakunaman uraykurqan; kimsa ñeqen p'unchaypi wañoqkunamanta kausarinpurqan; hanaq pachaman wicharipurqan; chaypin Dios Yaya llapa atipaqpa paña ñeqenpi tiyasqan; chaymanta kay pacha p'uchukayta, kausaq runakunata wañoqkunatawanpas taripaq hamunqa. Espiritu Santuman iñinin; Santa Iglesia Catolicata, Santukunaq huqllachakuyninta, huchakunaq panpachakuyninta, wañoq-kunaq kausarinpuyninta, wiñay kausaytapas iñinitaqmi. Hinataq kachun Jesus.

Much'aykusqayki sapay Qoya, waqcha khuyaq Mama; kausay, ñuqñu, suyanayku, much'aykusqaykitaq. Qantan waqyamuyku, Evaq qarqosqa wawankuna. Qanta yuyamuyku waqaspa, anchispa kay hueq'e pachapi. Chay ari, markayku noqaykuman chay khuyapayaq ñawiykita kutirichimuy. Chaymantarí kay qarqoypacha p'uchukaqtin, qollanan Jesusta, wiqsaykimanta paqarimoqta, rikuchiwayku. Ah, llakipayaq; ah, khuyapayaq, ah, ñuqñu Virgen Maria, ñoqaykupaq much'apuwayku, Jesucristoq qosqaykichismi nisqanpa kaman kaykupaq. Hinataq kachun Jesus.

Apu Yaya Jesucristo, cheqaq Dios, cheqaq runa, ru- raqqey, qhespicheqqey. Pin qan chika khuyakoq, tukuy ima hayk'ata yallispa munaypaqkama kasqaykiraykulla; huchaymi, Yaya, huchaymi, ancha hatun huchaymi. Qanta qesachasqaymanta. Kunanmantaqa, qolllanan yanapayniykiwan wanasaqmi manañan astawan qesachasqaykichu. Tukuy huchaman urmasqaymantari anchurisaqmi, allintan confesakusaq. Padreq penitencianta llapa huchaykunamanta qowasqantari p'uchukasaqtaqmi. Kunan ari, Yaya, kausayniyta rurayniyta, ñak'ariyniytawanpas, tukuy huchaykunamanta chaskichikuyki; imaynan mañakuyki hinataq chika hatun khuyapayakuyniykimanta suyakuni panpachapuwanaykita, Cruspi noqarayku, muchusqayki wañusqaykirayku; qhapaq grasiaykitari qowankitaqmi wananaypaq, mana astawan huchaman urmaspa. Qanpa servicioykipi wañuyniy pachakama tiyanapaq, Hinataq kachun Jesus.

Noqa huchasapa llapa atipaq Diosman confesakuni, wiñay Virgen Santa Mariaman, San Miguel Arcangelman, San Juan Bautistaman, Apostolkunaman, San Pedroman, San Pabloman, llapa Santokunaman, qan Yayaymanpas, anchata huchallikurqani, yuyaywan, ri-maywan, ruraywanpas; huchaymi, huchaymi, ancha hatun huchaymi; chayrayku much'aykuni wiñay Virgen Santa Mariata, San Miguel Arcangelta, San Juan Bautistata, Apostolkunata, San Pedrota, San Pablota, llapa Santokunata, qan yayaytawanpas, Apunchis Diosta much'apuwanaykichispaq. Hinataq kachun Jesus.

Much'asqa, yupaychasqa kachun, qhapaq qollanan. Santisimo Sacramento altarpi kaq; Santisima wiñay Virgen Maria Señoranchispa qallar millay huchaq mana chhankasqan, ancha llumpaq Concepcionninpas much'asqa, yupaychasqataq kachun. Amen Jesus,

Khuyapayaq Dios, allin cristianokunata rurawayku. Hanaq pacha kusi gloriaykimanri, wiñayninpaq pusapuwaykutaq. Hinataq kachun Jesus.

Santa Cruspa....

Ancha hatun Diosnillay, uywaqllay, mana pantay cheqaq, qanpin iñinin; mana pantay khuyakoq, qanpin suyakuni; mana tukukoq munay, qantan munayki; ima kaqkunatapas yallispa. Anchatan llakikuni tukuy son-qoywan, qan phiñachisqaykimanta, qan kasqaykirayku. Grasiastan qoyki kamawasqaykimanta, qespichiwasqa-ykimanta, cristiano rurawasqaykimanta, kunankama waqaychawasqaykimanta. Chaskiychiykin, Sagrado Co-razon de Jesuspa meritonkunarayku, tukuy yuyaymana-yniyta, rurayniyta, rimayniyta, kunan p’unchau nak’ariy-niykunata, oracionniykunatapas, indulgenciaku-nata chaskinaypaq, tukuy necesitaqkunapaq chas-kichispa, teqsimuyuntin runakunaq, noqaqpas huchaykunarayku. Purgatoriupi ñak’areq almakunarayku.

Munayniyki kachun, kunan p’unchau mana hu-chayoq waqaychawanaykipaq, ayqerichiwanaykipaq, kallpataq qoway huchakunamanta ayqerinaypaq, aychaypa tanqawasqanta atipanaypaq. Qanpi iñispan, kausayta, wañuytapas munani, kay pachapi qanta servispa, hanaq pacha wiñay kusi kausay tarinaypaq. H.K.J.

Ancha hatun Diosnillay, Apullay; yupaychaykin grasiastataqmi qoyki, kunan p’unchaupi tukuy ima allinkuna rurawasqaykikunamanta. Qanpaqmi puñuyniy, illariynintinpas, mañakuykin mana huchayoq waqay-chawanaykipaq; chayraykun santo costaduyki ukhuman churakuni; Mamay Virgen Mariaq manton ukhumanpas. Santoykikuna, Angelniykikunapiwan kayllaypi kachunku, waqaychawachunku allinpi; bendisionniykitaq noqaman hamuchun. H.K.J.

MARIA MAMANCHISPAQ: "ANGELUS" (CHAUPI P’UNCHAUPI)

D/. Angel Diosqa kachamusqan, Santisima Mariaman willarqan.

R/. Espiritu Santomantataq wiqsallikurqan (Much’aykusqayki...)

D/. Kaymi Diospa yanan.

R/. Noqapi hunt’akuchun simiykiman hina. (Much’aykusqayki...)

D/. Diospa Churin runaman tukorqan.

R/. Noqanchiswantaq tiyarqan. (Much’aykusqayki...)

D/. Santa Diospa Maman mañapuwayku.

R. Jesucristoq qosqaykichismi nisqanta Chaskinay-kupaq.

Mañakuykikun, hamuy, graciaykita almaykuman t’aqayqariy, Angel willakuqtin hina, Jesucristo Churiyki runa tukusqanta reqsispayku, Paypa ñak’arisqanrayku, crusninrayku, kusi samiman chayanaykupaq. Pay kikin Jesucristo Apuykurayku. H.K.J.

Santísimo San José, qantan Apu Dios aqllarqasunki, María Santísima Mamaypa ancha llumpaq, ch'uya Esposon kanaykipaq, Dios Jesuspaq taytan hina kanaykipaq, chaymi qanqa paykunamanta cuentallikuspa mantenerqanki tukuy sonqo llank'aspa, imaymanata muchuspa. Chay gloria wasimantayá qhawarimuway, khuyapayakoq ñawiykiwan kay llakisqa devotoykita, muchuykunapi kallpanchawaspa, mañakusqayta chaskichiwaspa; aswan mastaqa wañuyniy horapi yanapawanki iñiyniyta sinchichaspa, auqaykunamanta amachawaspa. Dios Jesusqa, munakusqan taytachakusqantaqa uyarillasunkin, huchaykunata pampachawananpaq; chayman hina, hanaqpachapi qanwan kuska Diosninchista yupaychanaypaq. Hinataq kachun Jesús.

Runa khuyapayay runakuna chunkatawayoqmi

(Obras de misericordia sutiyoq).

Ñaupaq: Onqoqta rikunki.

lskay ñeqen: Yarqhasqata mikhuchinki.

Kimsa ñeqen: Ch'akiqta ukyachinki.

Tawa ñeqen: Piñasta qespichinki.

Pisqa ñeqen: Llat'an mana p'achayoqta, pachallichinki.

Qanchis ñeqen: Mana yachaqta, yachachinki.

Pusaq ñeqen: Kunaypaq kaqta, kunanki.

Isqon ñeqen: Muchuchiypaq kaqta, muchuchinki.

Chunka ñeqen: Qanman huchallikuqta, panpachanki.

Chunka iskayniyoq: Llakikoqta, phutikuqta kusichinki.

Chunka kimsayoq: Kausaqkunapaq, wañuqkunapaqpas Diosta much'apunki.

Chunka tawayoq: Ayakunata p'anpanki.

Haykuy: Kay santa Crus ñanpi, yuyaymanasunchis Jesucristoq kay pachapi muchuyninkunata, wañuy-nintawan; chaywanmi sonqonchispi miranqa Dios khuyakuynin, chaypitaqmi yachasunchis Diospi suyakuyta, huchanchiskunamanta llakikuyta.

Mañakusunchis. Apu Yaya jesucristo, qanmi chika hatun khuyakuywan, kay nanaq ñanta purirqanki, noqarayku wañuq rispayki; huchaykunawanmi kay ñanman churarqayki; anchatan llakikuni, panpachaway, Diosnillay.

Ancha nanaywan puriyta yachachiway, Virgen Dolorosa; imaynan qanpas purirqanki kay q'araq ñanta ancha nanaywan, noqapas qasqan nanaywanmi kay ñan puriyta munani, Wawaykita qatispa.

ÑAUPAQ KAQ ESTACION: Jesucristo wañuyman sentensiasqa.

Jesucristo Apunchis hasut'isqa, kisqa pilluwan churay-kusqa, wañuyman sentensiasqa karqan.

Jesusllay, kausayta llapan runakunaman qorqanki, noqaykutaq, qhapaq kayniykita qechurqaykiku. Noqay-ku huchallikusqaykurayku wañuyman churakurqanki; chay wañuymanta qan qhespichiwanaykikupaq, hatun ñak'ariykunaman, wañuymanpas munaynillaykimanta churakunki. Chay ñak'arisqayki, wañusqaykirayku, infiernomanta, tukuy mana allinmantapas winay qhespichiwayku.

ISKAY KAQ ESTACION: Jesucristo crusninta riqrarikun.

Ancha hatunmi Apunchispa munakuynin, chayrayku panpachawananchista munaspa, huchanchiskunata pay hawa churaykukurqan, chaywan hanaq pacha punku kichariwananchispaq.

Apu Jesusllay, munakuyniykirayku, huchaykunata q'epirikurqanki panpachawanaykirayku; kallpanchaway, noqapas ñak'ariyniykunata, llank'ayniytapas, allin sonqolla qan munakuypi apanaypaq.

Ancha llasaq crus q'episqanpi, panpaman chayan qespicheqninchis kallpan pisiyaqtin chayna niraq waqtasiaspalla qatisqankurayku.

Apu Jesusllay, manan imachu panpaman urmachisurqanki, huchaykunaq llasayninmi. Munayniyta kallpanchay, sumaq grasiaykita haywariway, noqapas urmasqaykunamanta sayarispa qanman kutirikunaypaq.

lmayna hatunmi Maria Mamanpa nanaynin karqan wawanta chayna k'irisqa crus q'episqanta rikuspa, imaynataqmi Jesuspa sonqon churakurqan Mamanta waqasqata rikuspa.

Apu Jesusllay, Mamaykirayku qanman chayachiway, anchatan llakikuni, waqani, qan Taytayta phiñachisqaymanta Virgen Maria, panpachaway chay sumaq sonqoyki nanachisqanmanta.

- Adoraykikun... Santa crusniykiwan . . .

Judiokuna Calvario ñanpi, Jesusta yaqa wañusqata rikuspa kamachinku Sireneota, yanapananpaq cruspipuni wañunanta munaspa, paytaq llamp'u sonqolla purinin yapamanta.

Apu Jesusllay, imaynan mana noqachu karqani chay Sireneo, huchaykunaq llasasqanta yachanaypaq; ancha munakuqmi kanki, Diosnillay, imaynan qan muchurqanki noqarayku, hinallataqmi noqapas qanrayku muchuyta munani ima hayk'a mana allintapas.

- Adoraykikun... Santa crusniykiwan . . .

Orqo wichay crusnin q'epiykusqa purimusqanpi yawar hump'in t'aqarisqantan chay Veronica warmi, llakikuypa atipasqan ch'akiyqachirqan yuraq lliqllanwan, Jesustaq chay rurasqanmanta, uyanta chay yuraq pañupi saqen.

Apu Jesusllay, chay yawarchasqa uyayki, mana reqsi-ynan, hinallataqmi noqapas huchaykunaq p'anpasqan mana reqsiyña kashani; chay Veronicaman khuyakuy-niyki qosqaykita haywariway ch'uyanchakunaypaq.

- Adoraykiku... Santa crusniykiwan...

Cruspa nit'isqanmi urmallantaq qespicheqninchis; imayna llasan chay crus karqan huchanchiskunaq llasachisqan; hina kashaqtinpas payqa yapamanta sayarispan kamaqninchisman chaskichirqan noqanchisrayku.

Apu Jesusllay, mañakuykin kutikutiñan huchaman urmasaq chaypachapas, ama saqeriwaychu urmasqata; hoqariway, yanapaway huchaymanta sayarispa qanwan kuska crusniykiwan purinaypaq.

Khuyaqnin warmikuna waqaspa qatirqanku, mana ima rurayta atispa: Jesucristotaq, paykunaq waqasqankuta rikuspa nin: Ama noqamantachu waqaychis, aswan qankunaq, wawaykichiskunaqpas huchankunamanta waqaychis, noqapi kay hina kashan chaypasri, ¿imay-naraq kanqa qankunawan?

Apu Jesusllay, qan manchakuyta yachachiway, hueq'etataq qoway huchaykunamanta waqaspa, qanllataq maskhanaypaq, mana chaypachari ¿maymantaq chayasaq mana qanwanri?

- Adoraykiku ... Santa crusniykiwan ...

Karuraq purinanta rikuspan, kallpankunapas manaña kaqtin, cruswan ñit'ichikullantaq, qharmikunankama, manaña sayariyta atinñachu huchanchispa ñit'isqan. Soldadokuna tanqarinku wañunan orqoq mukukunman chayanankama.

Apu Jesusllay, huchaykuna chaynakama churasunki chaypachaqa, aswan hatunmi noqapaq munakuyniyki huchaq ñit'isqanña kausasaq chaypachapas, tukuy atipayniyki hoqariwachun qanwan kuska wiñay kausanay-paq.

Jesucristoq cuerponta qhawaykusqa, manan paypa chay sumaq aychanñachu, manañan runamanpas riq-ch'akunñachu, chay waqtasqa k'irikunawan; yapamanta yawarnin hich'arikamun, chaymi chay huchanchiskunaq chanin.

Apu Jesusllay, imaynan p'achaykita auqaykikunaman saqerispa wañuyman churakurqanki, hinallataq noqapas kay pachapi kaqkunata saqerispa qan Taytallayta maskhanaypaq, chay munayniykita malliykachiway.

- Adoraykiku... Santa crusniykiwan ...

Q'epichisqanku crusman kumpaykuspa, makinkunata chakinkunatawan rakhu clavokunawan t'ipaykunku iskay suwakunaq chaupinpi; wañuyninwan kausay qowananchispaqtaq Yayanchis Taytanman chaskichin nanayninkunata.

Apu Jesusllay, Cruspatapiña kashanki huchaykunaq churasqan chaypachapas, Diosniymi, Apuymi, Qespicheqniymi kanki, Diosniyta hinan yupaychayki, kausaq iñiywan; Apuyta hinan, napaykuyki ima kaqniytapas chaskichiyki; Qespicheqniyta hinataq khuyayki tukuy sonqoywan.

- Adoraykiku . . . Santa crusniykiwan ...

Kimsa hora ñak'arisqan qhepata, qhespicheqninchis almanta Taytanman kutichispa, paymanta mañay-kukuspa, wañurqan; chaywan kaypachapi rurananta hunt'aspa, hanaq pacha punkuta kicharirqan.

Apu Jesusllay, noqaraykun cruspatapi wañurqanki; noqatan qanmanta astawan munawarqanki, noqarayku wañuyta munaspa, graciaykita qoway, noqapas qanray-ku kausaypaq wañunaypaqpas, qan munakuypi, qanwan kuska tiyanaypaq.

Jesuspa ayanta uraykachispa, Mamanpa marqayninman kumpaykunku; imayna k'irisqa qonqowanmi Mamanchis Maria chaskirqan wawanta wañusqata; pay-pas huchanchisraykun chay tukuy nanayta ñak'arirqan.

Apu Jesusllay, imaynan Mamaykiq nanaynin karqan qan wañusqata rikuspa; hinallataq noqaq mamay kachun, sapa noqarayku wañusqaykita yuyarispa, hinataq huchaymanta anchurichiway.

- Adoraykiku ... Santa crusniykiwan ...

Jesus Yayanchispa ayanta hoq sepulturaman churarqanku, wisq'arqankutaq hatun rumiwan; chaypin kimsa p'unchay qeparirqan; chay qhepatataqmi, llumpaq cuerpontin kausarinpurqan.

Apu Jesusllay, p'anpasqa kasqaykirayku, yuyaykachiway; noqapas hoq kuti santo Bautismuykiq unuwan p'anpasqa kasqayta; wiñaypaq huchaman wañuspa, qanwan kuskataq mosoq kausayman kausarinpuspa. Wañusqayki, kausarinpusqaykipiwanrayku, qespichiway, Diosnillay.

KUSICHIKUQ MISTERIOKUNA (Lunespaq, juevespaq)

LLAKICHIKUQ MISTERIOKUNA

(Martespaq, viernespaq)

SANTO ROSARIO RESANANCHISPAQ: Naupaqmi hoq Yayaykuta resaykuy, chaymanta chunka Much’akusqayki Maria resaykuy, chaymanta Gloria Yayapaq, Gloria Churipaq... resaykuy. Chay hina resaykuy sapanka Santo misteriupi.

Apu Jesucristo, khuyapayawayku

Cristo Jesús, khuyapayawayku

Apu Jesucristo, khuyapayawayku

Cristo Jesús, khuyapayawayku

Dios Yaya, hanaq pachapi kaq. Khuyapayawayku

Dios Churi runakunaq Qespicheq. Khuyapayawayku

Dios Espiritu Santo. Khuyapayawayku

Santa Maria, mañapuwayku

Diospa Santa maman, mañapuwayku

Virgenkunaq qollanan

Jesucristoq maman

Qhapaq graciaq maman

Llumpaq llumpaq maman

Huchaq mana chanqasqan mama

Ch'uyay-ch'uyaylla mama

Purun thaski mama

Munay munaylla mama

Utiypaqkama sumaq mama

Cheqaq allin kunayniyoq mama

Kamaqqenchispa mama

Qespicheqninchispa mama

Ancha amauta Virgen

Yupaychana Virgen

Llapa runaq reqsinan Virgen

Chika hatun atipayniyoq Virgen

Ancha khuyapayakuq Virgen

Sullul sonqo Virgen

Kuskachaypa lirpun

Diospa yachayninpa puqaran

Kusikuyniyoq teqsin

Ñauray llumpaq aquilla

Yupaychana aquilla

Sumaq qhapaq rosa

Davidpa Suni puqaran

Marfil puqaran

Diospa qori wasin

Qespichiqqaykuta rampaq arca

Hanaqpacha kusi punku

Pacha paqariy ch'asqa Qoillur

Onkoqkunaq alliyaynin

Huchasapakunaq amachaqqen

Llakisqa runaq kusi samin

Cristianokunaq markayku

Angelkunaq sapay qoyan

Patriarqakunaq sapay qoyan

Profetakunaq sapay qoyan

Apostolkunaq sapay qoyan

Martirkunaq sapay qoyan

Confesorkunaq sapay qoyan

Virgenkunaq sapay qoyan

Llapa santokunaq sapay qoyan

Qallar huchaq mana chanqasqan paqariq sapay qoya

Hanaqpachaman wichachisqan sapay qoya

Qasi kaypa sapay qoya

- Khuyapayawayku, Apu.

Mañakusunchis: Ah, qhapaq Dios! Jesucristo sapay churiykin kausaynin, ñak'ariynin, wañuyninwan noqaykupaq hanaqpacha kusikuyta taripapuwarqanku; mañakuykikun; kay qollanan Virgen Mariaq Santisimo Rosario Misterio yuyaymanasqaykuta sonqoykupi taq-yaykuspa; hina ari, chayta iñispa, allin kausayta usachisaqku, kusi sami qosqaykichismi niwasqaykikutataq taripasaqku. Pay kikin Jesucristo Apunchisrayku.

Kusi samakuyta

manañan kunanqa phiñachisqaykichu.

K'umuykukuspaymi anchhuykakampuyki.

Sonqo pisipaqta, kallpanchaykullaway.

Hinan chayamuni, Cheqaq Yayallayman.

Reqsikuniñan huchayta,

kunanqa wanakusaqmi,

Jesusllay, khuyapayaway,

Cruspi wañusqaykirayku.

Jesucristo Taytanchista

Crusman t'ipaykunankupaq;

Maman chaypi qhawashaqtin

mana khuyapayaspanku.

1. Taytay, Kaypiñan Kani,

Ñan kutikanpuniña,

Ñan Kausarinpuniña,

Waqyariwasqaykiwan.

Qanllatan munakusqayki;

huchayta saqeriniñan,

Qanllatan suyakusayki;

Qespichiway wawaykita

Weqeykiq chaninmi-kani.

Qan Taytayta servinayta, Apu Jesusllay,

Awqaykita servirqani, ñukñu Jesusllay.

Maytaq kunan kaypi kanchu, ñukñu Jesusllay.

Jesus Yaya hamusunki,

phaway, phaway chaskikamuy

almaykiq kusi saminta.

Pampachallawayku;

Bendicionniykita

Churaykamuwayku!

1. Jerusalen, llaqta runa

Diosniykiman kutirikuy;

Sipiwaspa, sipiwaspa,

Manan saqerikimanchu.

Carcelpitaq tiyaykurqan;

Munakuq sumaq sonqonta

Llapaman sutinchananpaq.

Nanaq yawarta hich'arispa,

Huchamanta, huchasapa,

Pampachayta tarinanpaq.

5. Kiska pilluwan pilluykusqa,

Crusninta riqrarikuspa,

Calvario patata wichan,

chaypi qanpaq wañunanpaq.

Ukhuykita, almaykita;

Wañuypipas, kausaypipas,

Payllapaqña kanaykipaq.

1. Hijo pródigo, Maytataq rinki,

Taytallaykita, Saqeriwaspa

Kutirimuspa, Reqsiykukuway.

4. Huchallaykichu, Manchachisunki,

Taytay niwaspa, Hamunaykita.

Pillurikusqa, Qatiykachayki.

Yawar hump'iwan rantisqay:

¡Ay! oveja wayllusqay

Yawar weqeywan maskhasqay.

Ñaraq machu, ñaraq paya,

Kaypi wayna, chaypi sipas, Ah,

Tukusunchis chiri aya.

Chika hatun mancharina

LIaki p'unchay chayamunqa.

Manchayta kunununuspa

Chayamunqan llapanchispaq

Taripasqa kananchispaq.3. Mana pantaq Apunchispa,

Kawsaq Diospa taripaynin,

Chaninpuni kuskachaynin

Sut'illanmi k'ancharinqa.

¿lmataq kutichisaq?

Ima hinataq rikhurisaq

Qhapaq Apuq ñawk'illampi.

7. Sapallaymi chaypi kasaq

Mana peqpa amachasqan;

P'enqaychasqa rikukusaq

K'anchayniykiq surumpisqan.

Qanllan kanki noqamanta,

Taytay, phiñakunki chayqa,

Pimanñataq kutirisaq.

Paymi kunan waqyasunki,

Uyarillay kunkallanta,

Qhawarillay riqch'ayninta.4. Huchaykiwan yapa-yapa

Amapuni, huchasapa,

Diosninchista phiñachiychu

Chika nanaq qesachaychu.

Manataqmi kawsawaqchu,

Kusi sonqo kay pachapi

huchakunaq chawpillanpi.

1 . Criston rantinchista muchun,

Millay qaqaq huq'illanpi

oracionta ruarqani

tukuy runaq allinninpaq

Dios Yayayta wuaqyarqani.

Noqatan apawarqanku

Getsemani muyamanta

mana khuyapayawaspa

Auqa Judas vendiwarqan.

Noqatan pusawarqanku

Manchay mayu urayllanta

mana khuyapayawaspa

nanaqta q'irinchawanku.

Noqatan chaqnaykuwarqanku

hoq millay saywa rumiman,

mana khuyapayawaspa

nanaqta waqtawarqanku.

Noqatan pusawarqanku

Monte Calvario orqota

mana khuyapayawaspa

Cruswanpas ñitichiwanku.

Calvarioman purisqaspay

ñataq-ñataq urmarqani

mana khuyapayawaspa

yapa-yapa q'irinchawanku.

Jesusqa ñoqanchista Micheq

Jesusqa ñoqanchista Micheq (2)

Much'aykusqayki, Santa Crus,

Apu Diosniypa sirinan, Santa Crus

Qanpin Jesus wañuykorqan, Santa Crus

Teqsimuyoq qespinanpaq, Santa Crus.

Sot'ototoylla sayakuy, Santa Crus

Makiykipin hap'erqanki , Santa Crus

Teqsimuyu qespicheqta, Santa Crus

Yupaychaykikun Santa Crus,

Jesus Apuypa pukaran, Santa Crus

Qanpin Jesus yachacherqan , Santa Crus

Teqsimuyuntin runata, Santa Crus.

Paqarisqay pachamantan, Santa Crus

Qanwan Diosmi maskhawarqan, Santa Crus

Kawsaypipas, wañuypipas, Santa Crus

Ñawkiykipi kawsanaypaq, Santa Crus

Pacha illarimuytaqa, Santa Crus

Qanwanmi hatarimuni, Santa Crus

P'unchay ch'isiyaykuqtinpas, Santa Crus

Qanwantaqmi siriykuni, Santa Crus

Altarpipas, orqopipas, Santa Crus

Dioswan kuskan sayaykunki, Santa Crus

k'umuykuspa, ullpuykuspa, Santa Crus

1 . Jesus Yayanchista

Chunka much'aykusun,

Qhasqonchispi kaqta

Chunka yupaychasun.

Tarikapuninan;

Cheqaq munaqkeyta

Chaskikapuniñan.

Jesucristoq rurasqanta,

Qan munakuq sonqonwanmi

Hostiapi qhepakurqan.

Runa tukun, runarayku,

Yawarninta hich'arispa

Huchanta ch'uyanchananpaq.

Qanwan kuska q'ochuchiway,

Qan Diosniyta wiñayllapaq

Chay kuska yupaychanaypaq.

Diosniykiman kutirikuy,

Raimi P'unhau qanpaq illan,

Qhapaq lnti k'ancharillan,

Tukuy sonqo kawsarillan.

Haku, Mamay, puririsun,

Wawaykita maskhamusun,

Awqankunaq makinpiñas

Wawallayki ñak'arishan.

Manas pipas ialaw! ninchu

Kusi lnti Wawaykita.

Maypin kasqanki, Yayallay,

Sonqollaypa ñuqñu samin.

Hanaq-pacha qoyllorkuna,

Maypin kasqan Wawallayqa.

Teqsimuyuq k'anchaq Inti

lnti Killa, rikunkichu.

Rit'i ñawch'i orqokuna

Qankunachu pakankichis.

Mamallaykin maskhasunki

Yawar weqe qhaparispa.

Maypin urpillay, kasqanki,

Mamaykita waqachispa.

Hinantinta maskhamuni

Muspha muspha, sonqollantin.

Millay qaqaq sonqonpiña

Wawaykiqa p'anpasqaña.

Tuta k'anchaq qoyllur,

Ñanta chinkachispa ¡Ay!

Qhawapayanayku.

Mamay kayniykiwan

Sumaq mantoykiwan ¡Ay!

Pakaykukuwanki.

ñanta kamaripuwayku

qhapaq Jesusta rikuspa

wiñay kusi kausanaypaq.

qoripalma sayaykunki

chika hatun kusikuywan

chakiykiman chayamuni3. Wakin wawaykikunaqa

maytaq kaypi rikhurinchu

allpapicha kuru suqsin

llapallanpa qonqasqanña

may runaq waqan purillasqan

chika hatun llakikuywan

mamallanta chinkachispa.

Llapa runaq qhawanayku

Ñanniykuta k'ancharispa,

Llaqtaykuman pusawayku.

5. Tukuy sonqo waqyakuyki,

Mushpan, mushpan purisqaypi;

Uyariway, ñuqñu Mamay,

Pisi kallpa wawaykita.

Wañuy pachapi qespinaykupaq.

7. Jesús Wawayki taqyachiwachun,

Pay munakuypi wañunaykama.

Munakuyniyki tukukunmi;

lcha pi maskhasqaykichu, ¡Ay!

Qanmanta ayqespa purin.

Mamay, Qanpaqqa kusikuy.

Llakillañas qallarimun

Mana p'uchukayniyoqta

Dios Yayaq munaspa mallkikusqan,

Gracia phoqcheq kaynikimanta

Llapaykumanyari rakirimuy.

Mañakusqaypiqa suyakunin:

lmaynan Qan kashaqtiykichu

Awqaypa makinpi wañuykuyman.

Qanmantaña t'aqakuspa

Pimanñataq anchuykusaq,

Qanman hina kusikuspa.3. Sumaq Nust'a DiosIlawanña,

Chaskiwayña sonqollayta;

Llakikunaq mukisqanta,

Ancha phutiq qhasqollayta.4. Uyariway, llumpaq Mamay,

Huchasapa wawaykita

Haywariway makiykita

kutimunay p'unchaukarna.

wasillayta ripunaypaq

qan Mamayta yuyarispa

Diosniyta yupaychanaypaq.

6, Qanmi Mamay sayaykunki

kay pachapi kusi mallki

huchasapa llanthukunan

tukuy runaq kusi markan.

pantay ñanpi rikukuspa

manañachu napaykusaq

sutiykita kusikuspa.

Qori palma tiyaykunki;

Chika hatun kusikuywan

Chakiykiman chayamuni.

Purificada Mamallay Pastorayku.

Khuyapayaway, Mamallaymi

Pisi sonqo wawaykita,

Mamallayqa Pastorayku.

Llakillaytan willasqayki

Manan kanchu tayta mamay

Sapallaymi rikukuni.

Purificada Mamallay Pastorayku.

Khuyapayaway, Mamallaymi

Pisi sonqo wawaykita

Mamallayqa Pastorayku.

Maymantañas qollapis kayman

hatun mamaypa wawan kashaspa

hatun taytaypa churin kashaspa

maytaq qanta nishasunki

maki llaqwa qolla nispa

t'oqsina moqo qanchi nispa.

imillachayta pusakamuni

paraqay mamawan chalarikuspa.

alamanopaq cosineranpaq.

Hayk'ataraqsi challarisayman

uchuchapaqpis faltashaqtin.

tutaq tukusqan sibadachayman

pisloq tukusqan maiz mamaywan.

hayk'a nispa haykumusaq

Santo Templo wasiykita

sin pecado concebida

Qolla qaspapas

llamero qaspapas.

orqon q'asanta wasapaspa

hayay pillinta yakuykuspa

ichuq chullunta tomaykuspa

Qolla kaspapas

huchallaywan chaqnasqata

paskarillay almallayta

pisqa rosas makiykiwan

sumaq t'ika makiykiwan

Qolla kaspapas

Llamero kaspapas.

wañuqpaspas kasaqpaspas

Ay Taytallay, Ay mamallay.

maytaq kunan kaypi kanchu

Ay Taytallay, Ay mamallay.

wañuqpaspas kausaqpaspas

Ay Taytallay, Ay mamallay.

waqanallay llaqtallayman

Ay Taytallay, Ay mamallay.

khuyay khuyayta waqashan

Ay Taytallay, Ay mamallay.

wañuspaqa Diusllawanña

Ay Taytallay, Ay mamallay.

hasta qallas watas kama

Ay Taytallay, Ay mamallay.

espijochallay lliph lliph chayay

amaña wauqellay mancharinkichu

yawar mayupiña rikurukuspapas

cuchilla chayay shiuq shiuq chayay

warak'achallay k'aq k'aq chayay

amaña wauqellay mancharinkichu

yawar mayupiña rikurukuspapas.

hatun qollaqa llaqtanchismanta

llapa huchanchis puririnanpaq.

huch'uyta hatunta respetakuyta

huch'uyta hatunta Ave Maria qoyta.

kheyna chhatana tusunaqa

kasqa chayanpi dale nispa

kasqa chayanpi golpe nispa.

chaynataraqchus tusunaqa

kaynachataman dale nispa

kasqa chayanpi golpe nispa.

achinga achingas chay

imas noqas ripushayman

achinga achingas chay

hanq'ara uya imillawan

achinga achingas chay

aswansi noqa ripukusaq

achinga achingas chay

Andahuayllllas niñachawan

achinga achingas chay

haku haku niwashasqa

achinga achingas chay

imas noqa ripushayman

achinga achingas chay

uma sapa pauluchawan

achinga achingas chay

mayunpanpa niñachawan

achinga achingas chay

Sasa Tayta wauqellay wañukusunmanpas

Ripunanchis q'asata qhawaratasunchis

cheqaq tapuni churi rit'i laqashasqa

cheqaq tapuni churi para parashanman.

Señor Qoyllur-rit'i

maytaq kunan kaypiñachu

ñuqñu Jesusllay.

Señor Qoyllur-rit'i

wakintaqchá allpaq sonqonpi

ñuqñu Jesusllay.

Señor Qoyllur-rit'i

Diosllawanña Diosllawanña

ñuqñu Jesusllay.

DE QOYLLUR-RIT'I

iskay kunan kutimusaq

iskay llaqwa kutimusaq

qollas qaspapas

llamero qaspapas.

tukuy mañana wasiykipi

qolla qaspapas

llamero qaspapas.

huchasapa wawaykita

qolla qaspapas

llamero qaspapas.

kuska kuska purimusun

nispa nispa puriymuni

qolla qaspapas

llamero qaspapas.

kaqtuy llapa llaqtamanraq

Ccatca runa llaqtamanraq

Qolla qaspapas

llamero qaspapas.

noqaykuwan chaqllananpaq

qolla qaspapas

llamero qaspapas.

iskay rosas makiykiwan

iskay qollor ñawiykiwan

qolla qaspapas

llamero qaspapas.

kunan p'unchay tususayki

Ay Taytallay, Ay Taytallay.

ripuy waway niwankikuchá

pasay waway nlwankikuchá

Ay Taytallay, Ay Taytallay.

hayk'aq risun llapichakuspa

problemallay llaqtaykupaq

llakinallay llaqtaykupaq

Ay Taytallay, Ay Taytallay.

keyqa Taytay pasasaykuna

Yglesiamun haykullantaq

Ay Taytallay, Ay Taytallay.

pasanallay qasapatakamá

chakiykiwan fomentaywayku

Ay Taytallay, Ay Taytallay

waqaspapas phawaysallayku

Ay Taytallay, Ay Taytallay.

manas kunan kaypi kanchu

Ay Taytallay, Ay Taytallay

wakintaqchá hayk'aq tukunki

Ay Taytallay, Ay Taytallay.

wañuspaqa Diusllawanñachá

Ay Taytallay, Ay Taytallay.

hasta qallas wataskamá

Ay Taytallay, Ay Taytallay,

Nisaq imatataq,

lmaynataq rikhurisaq

Diospa qayllanpiri?

Apu Jesusllay, munakuq Diosllay,

Ama qarqowaychu.

nispa niwaqtin kusikuspa

sutiykitaqa yachachiwarqan

kayta unanchaspan kausakuni.

Angelllay maytas rinki

chika usqhay phawaspayki

Jesusllaywan tinkuspaqa

wawallaykin waqan ninki.

Sumaq uyanta chinqachispan

muspha muspha purisqani

hucha khuyaq sonqollaywan

tutayaqpi rikukuni.

Sonqollanqa llakisqansi

maycha wawallay niwaspa

huchaykunan karunchachiwan

pay khuyapayawananmanta.

lskay puqioq weqey qanman

huchaymanta waqanaypaq

chakiykiman ullpuykuspa

unuy parata waqanaypaq,

Ñam, Yaya, reqsikuniña

sumaq munawasqaykita

qan phiñachiqniykita

wasiykipiña wawallawanki.

churaykamuni - chay sonqollayta

1. Purun ukhupi, yuraq Pastorcha,

lchhu k'irawpi, rit'i sawnayoq,

Aswan maskhanki: qawariwaytaq

Much'aykusqayki qollanan Ñust'a (bis)

kay waqcha wasipi sumaq chiwanwan

purun-purunpi oveja michikoq

ñawillaykiwansi qhawarimuwanki

angelniykikuna willariwaqtinsi

hatun kusikuwan maskhamuykiku.

Señorito Manuelito

imallamantan waqanki (bis)

Calvario orqo wichaypi

hatun crusta qhawaykuspa (bis)

puka chaki wallatita

imallamantan waqanki (bis).

killaq qayllanpi rikuykusun INTITA

chaupi tutata kay pachapi K'ANCHAYTA

Hanaq pacha gloriamanta

qhapaq Diospa churin hamun (bis)

runa munaq sonqollanwan