Alejandro Ortiz Rescaniere-p uyarispa qillqasqan, 1971 watapi, Aurelia Lizame-p willasqan
(iskay chunka pichqayuq watayuq).
Aurelia Lizame, comunidad de Wankarama / Huancarama, provincia de Antawaylla / Andahuaylas,
departamento del Apurimaq / Apurímac.
Pukyu: Alejandro Ortiz Rescaniere, De Adaneva a Inkarri: una visión indígena del Perú. Lima, 1973.
pp. 164-165. Runasimi.de-pa llamk'apusqan.
Nakaq pachakun qaramanta yanawan, mayninpipa wikuña punchuwan. Munan wira runata.
– Imatam riman?
Paykuna rimanku kastillanuta inlista, qichwatapas rimankum paykunapura.
Paykuna yachanku urqullapi chinniq ñanpi suyapakunku. Titaykuqta hapin runata. Machitata hurqumun, chukchamanta hapispa nakananpaq chitata hina kuchunanpaq – saq! saq! –, kwirpunta wayu chakinmanta waskawan wataspa. Sinrinrinpi llipin wañusqata. Wiran sutuchinanpaq pirulchakunaman.
– Ima hinapim chayta ruranku chay malapiyta?
Chay wira walinsi. Chulukunapa wiranqa walinsi. Qallawmansi apachinku. Qallawmanta apachinku istranhiruman. Paganku karuta wira piruwanutaqa.
– Chaypi imatam ruranku? Manachu sina sirtuchu willawasqayki?
Arí, chiqanpi. Chay wirataqa tukuchinkus pulwuman, pulwumanta tukuchinku pastillaman, rimidyuman. Chay hinatas hampikunku paykuna.
– Butikamanta hampiriy?
Chay hampipas, iguallas Alimanyamanta, Istadusnidusmanta.
– Qam tumankichu rimidyuta?
Ñuqaqa manam tumanichu nunkapas rimidyutaqa. Ñuqaqa tumani Mejoraltam. Kimikallas Mejoralqa manas wirachu.
Inkarrí ñisqamanta willasqakuna
Runasimipi Willakuykuna, Qillqasqakuna
Last update: Mar 23, 2006. © runasimi.de. The contents of this page may be distributed for non-commercial purposes, especially for spreading knowledge of the Runasimi language in the world and strengthening its position in its home lands. Please quote the original author (if not mentioned by name, write runasimi.de), and set a link to this page (write down URL, if texts or images of this page are used in printed version).