Ayak'uchupiqa Wiñaymi Diyus Khuyay

AYAK'UCHUPIQA WIÑAYMI DIYUS KHUYAYQA

Kaymi Wamanqa Katridal. Chaypin chunka tawayuh inlisapi kashan. ancha munay "liturgia" nisqa Simana Santapi hunt'akun.

Watantinpin sumahllaña tinpuqa Ayak'uchupi kawsanapahqa. Urqu q'asantinpipas sumahtan mallkikunapis, sach'akunapis kashan. Kay llahtapiqa Diyusman sunqu kayqa sapa p'unchaymi kinsa.

Ichaqa aswantayá mirarin Simana Santa uxupi, chaymi lluypas ninku: Perú llahtah qullananmi chay raymiqa, nispa.

Wamanqa llahtapiqa kay raymiqa qallarinmi manarah Dumingu de Ramos chayamushahtin, Virnis p'unchay ñawpaqinpi. Chaytan "Virnis Dulurusu" nispa sutiyanku.

Chaypin hatun prusishunpi apanku "Señor de la Agonía", "Mamacha Dulurista" ima. Iskayninkuyá tinkunku Hisukristu taytanchispa ñak`ariyninta yuyarinapah chay llahtah kallinkunapi.

Mamacha Virgen Mariyamanmi bilakunata hap'ichinku ancha munay sunqu kayninkupi.

Wakin runaqa pantay pantay p'achawan churakuspan rixurinku prusishunpi.

Dumingu de Ramuspa chawpi p'unchayninpa qhipachantan chamisa astay rixurin. Hinaspanmi uywakunapi, aswantaqa asnukunapi astamunku ch'akisqa ch'aphrata, ritamata ima. Chaypahqa ancha kusikuyá rixurin. Kuwiti, kamarita imapis t'uhyayunyá tukuy runah sunqunta chihchirisparah. Chay chamisaqa tawqakunyá katidralpa sispanpi Dumingu de Risurrección chayamunan kama. Chay p'unchaymi rixurinqa hatun qunuy, Hisuspa Resurreccionin yuyarinapah.

Mirkulis Santu p'unchaymi aswan hatun prusishun Ayak'uchuh Simana Santanpi kamarikun. Hisus Nazarinun, "terciopeluwan" sumah p'achallisqa, quriwan, qulqiwan, axllasqa hiwayakunawan ima t'ipasqa puririn Virgen Dulurusa sutiyasqawan tinkunanpah.

Kay mamachatahmi riki yana p'achawan unkuykusqa, qanchis tupukunawan sunqun k'irinchasqawan, puririmun.

Iskayninkuyá napanayukuspa puririnku Santa Clara inlisaman, Mariya Magdalinapuwan, San Huwanpuwan ima.

Kay sumah wantunan sirawan p'achallisqa kashan. Chaypin taytachapis, mamachapis lluhsimun tuta prusishunpi

Kristu Risusitadutaqa kikin llahtan muyuykun, sisi hinarah,ancha wayllukuypi Ayak'uchu plasapi.

Sawaru di Gluriyapin, Aquchimay urqupi phiriya qhatu kan. Chaypiyá tukuy imaymana rantinakuy kashan llahtanchis uxupi ruwasqawan.

Ima mixunatapis, uxyanatapis, kisutapis, supay apah uchutapis, lawakunatapis matipi mixuwahyá. Chaymantapis chahtatapis, chayqa kaña wiruh wiqinmi riki, kukatapis munaspaqa sumahtayá akulliruwah rihsisqa pura tinkuruspa. Chay hina ruwayqa ñawpa pachamanta llahtanchispa ruwayninmi.

Dumingu Paskuwa nisqapin tukukapun Simana Santaqa. Intih wach'irimuyninqa tukuy Diyus sunqu runakunatan tarin taytachah wantunan sispanpi. Chaymi tukuy runakuna llakisqa, waqasqa kasqankumanta pacha, t'ixrarapunku ancha kusikuyman Kristu wañusqanmanta sayarirapuhtin.

Kay phutupin runaqa sisi hinarah huñuyukun Ayak'uchu Katidralpa ñawpaqinpi. Chay inlisaqa sinchi munaychamá.

T'ikawanpis, waytawanpis sumahtan siq'iyunku tayta mamachakunataqa hinatin kallikunapi, lasakunapi ima.

Taytacha Hisukristun kinsa p'unchay wañusqan qhipamanta kawsarinpun, tukuy ima atipah. Wamanqa llahtan wantun kinsa k'uchu "andas" nisqapi tukuy runakunatahmi, wawakuna, waynasipaskuna, machupayakuna ima qaparinku manchay kusikuypi.

Chamisakunapis, kuwitikunapis, "campanakunapis sumahtan chhalla- llayunku chay hatun raymiwanqa. Chhaynan chay llahtah iniynin. Sapa watatahmi hina hinallatah raymikun.

Simana Santan | Ayak'uchupi | Qusqupi | Tarmapi | Waraspi